„თბილისი ენრჯის“ განცხადებით, თბილისის ზოგიერთ უბანს გაზის მიწოდება 12 თებერვლის 22 საათამდე აღუდგება.
„ქსელიდან გათიშული აბონენტებისთვის ბუნებრივი გაზის მიწოდება განახლდება ხვალ, დილის 8 საათიდან და სრულად აღდგება ვაკეში 15:00, ხოლო საბურთალოზე 22:00 საათამდე.
ამ დროისთვის სრულად ჩართულია დიდუბე-დიღომი.
ვაკის რაიონის უდიდესი ნაწილი.
საბურთალო-ნუცუბიძეზე 57096 აბონენტს აღუდგა ბუნებრივი გაზის მიწოდება.
უსაფრთხოების ნორმებიდან გამომდინარე გვიან ღამე ბუნებრივი გაზის ჩართვა ქსელში არ შეიძლება.
თბილისი ენერჯი გიხდით ბოდიშს შექმნილი უდიდესი დისკომფორტის გამო.
გთხოვთ, არ დატოვოთ გაზის დანადგარები და გაზის ცენტრალური ონკანები ღია მდგომარეობაში. ეს დაგვეხმარება გაზმომარაგების დროულად აღდგენაში“, – ნათქვამია განცხადებაში.
შეგახსენებთ, 150 000 -მდე აბონენტს გაზის მიწოდება 9 თებერვალს შეუწყდა. მათ ნაწილს, გაზი უკვე მიეწოდება, ნაწილს კი ეტაპობრივად, ხვალ, ღამის 22:00 საათამდე აღუდგება.
