მოკრივე ავთანდილ ხურციძე UFC-ის ჩემპიონ მერაბ დვალიშვილს ბოქსში იწვევს.
„პატარა განცხადებას გავაკეთებ. კაროჩე, ტელევიზია როა საქართველოში, კაი პარტნიორი რო ყავთ, მოჩხუბარი პარტნიორი რო არი, რომ ბლოკავს ვითომ ჩემს საიტებს. მოდი, თქვენს პარტნიორს ვეჩხუბები, ვებოქსავები ოღონდ, ისე არა. თქვენი დვალიშვილი გამოიყვანეთ ერთი და დავაი, დავცხოთ. მაგრამ ეს დღეს და ხვალ კი არ მოხდება, ამას დრო დაჭირდება, რა თქმა უნდა, ალბათ 1 წელი მაინც. არც მაგის ქამარი მინდა არც არაფერი. 10 რაუნდიან ბრძოლაზე ვეჩხუბები, თუ გინდა, 12 იყოს. კი არ მივა მაქამდე ჩხუბი, მანამდე მოვტეხავ კისერს. გავთიშავ, ოღონდ, ბოქსში“, – ამბობს ავთანდილ ხურციძე ვიდეოში.
ცნობისთვის, მანამდე ავთანდილ ხურციძემ მერაბ დვალიშვილზე თქვა – “მე მაგ ბიჭმა გამიშვა სროკზე და კიდევ სხვებმა”.
ამის პასუხად, მერაბ დვალიშვილმა განაცხადა, რომ მას ცილი დასწამეს.
“წამოვიდა ცილისწამება და აბსურდული ბრალდებები ჩემი სახელისა და რეპუტაციის შელახვის მიზნით, რამაც ძალიან იმოქმედა ჩემს ოჯახზე ნათესავებსა და გულშემატკივრებზე. ვინც მე მიცნობს ემიგრაციასა და საქართველოში, ყველამ კარგად იცის, რომ მე არასდროს ჩამიდენია ისეთი საქციელი, რაც შეარცხვენდა ჩემს გვარს, ჩემს ოჯახს და ჩემს სამშობლოს. არასდროს ჩემს სიცოცხლეში, არცერთო ბრალდებულის საქმეზე არ დავუკითხივარ პოლიციას, არ მიმიცია ჩვენება არავის წინააღმდეგ და არასდროს ვყოფილვარ მოწმე სასამართლოში. ყოველთვის, რითაც შემეძლო, გვერდში ვედექი გაჭირვებულ ადამიანს, როგორც ძმა და როგორც მეგობარი. ყველაფერი, რაც ჩემზე ითქვა, არის საშინელი ცილისწამება“, – განაცხადა დვალიშვილმა.
