ირანის პრეზიდენტმა, მასუდ პეზეშკიანმა, განაცხადა, რომ ამერიკის შეერთებული შტატების მიერ ირანის წინააღმდეგ განხორციელებული სამხედრო დარტყმები უპასუხოდ არ დარჩება. მისი თქმით, ირანი მზადაა, დაიცვას თავისი ერის უსაფრთხოება და ღირსება.
„ჩვენ არ დაგვიწყია ომი და არც გვსურდა ის, მაგრამ ირანის წინააღმდეგ განხორციელებულ აგრესიას პასუხგაუცემლად არ დავტოვებთ. ამ ერის უსაფრთხოებას მთელი არსებით დავიცავთ და ირანის სხეულზე მიყენებულ ყოველ ჭრილობას რწმენით, სიბრძნითა და მონდომებით ვუპასუხებთ“, – აღნიშნა პეზეშკიანმა.
