მაია ასათიანი კესო აბრამიძის შესახებ ისტორიას იხსნებეს, რომლის მოყოლაც, კესოს მისთვის აკრძალული ჰქონდა.
”როდესაც პროფილის წამყვანი ვიყავი ერთ-ერთ ძალიან პრესტიჟულ კაფეში უნდა გვქონოდა გადაღება.
როდესაც მათ კესო დაინახეს ჩემი გადამღები ჯგუფი უშვერი სიტყვებით გამოაგდეს კაფედან. მათ არ უნდოდათ რომ ტრანსგენდერი ქალი მათ ტერიტორიაზე შესულიყო.
მე ჟურნალისტი ვარ და მინდოდა ეს ამბავი გამესაჯაროვებინა, მაგრამ კესომ გამაჩერა და მითხრა რომ ეს არ გამეკეთებინა. მას არ უნდოდა რომ რამე უარყოფითი თქმულიყო მის ტრანსგენდერობასთან დაკავშირებით. ყველა დღეს და ყველა პრობლემას პოზიტიურად უყურებდა, არ აქცევდა ყურადღებას მის მიმართ არანაირ შეძახილს და უხამს გამოთქმას” – ამბობს მაია ასათიანი.
