Milan Fashion Week 24 თებერვლიდან 2 მარტამდე გრძელდება. წლევანდელი სეზონი განსაკუთრებული იმითაა, რომ თებერვლის ჩვენებები Milano Cortina 2026-ის ზამთრის ოლიმპიურ თამაშებს დაემთხვა, რამაც მოდის დედაქალაქში უპრეცედენტო ენერგია და სპორტული ესთეტიკის ბუმი შემოიტანა. წამყვანმა ბრენდებმა, როგორებიცაა Prada და Armani, კიდევ ერთხელ დაამტკიცეს, რომ მილანი კვლავ რჩება ხარისხისა და ინოვაციების ეპიცენტრად.
სეზონის ერთ-ერთი მთავარი ინტრიგა მსხვილ მოდის სახლებში მომხდარი საკადრო ცვლილებები და ახალი კრეატიული დირექტორების სადებიუტო კოლექციები აღმოჩნდა. კრიტიკოსების ყურადღება განსაკუთრებით Fendi-სა და Gucci-სკენ იყო მიპყრობილი, სადაც კლასიკური იტალიური მემკვიდრეობის ახლებური ინტერპრეტაციები ვიხილეთ. გარდა ამისა, 2026 წლის კვირეული კიდევ უფრო მეტად ორიენტირდა მდგრად განვითარებაზე – პოდიუმებზე ჭარბობდა გადამუშავებული მასალები და ეკო-მეგობრული ტექნოლოგიებით შექმნილი სამოსი.
მილანი წელს მხოლოდ მაღალი მოდით არ შემოიფარგლება; ქალაქის ქუჩები ნამდვილ სცენად იქცა, სადაც “Street Style” კულტურა და ოლიმპიური სულისკვეთება შთამბეჭდავ ტანდემს ქმნის.
ანანო სახელაშვილი Milan Fashion Week-ზე
“გამოიცანით, რომელი ბრენდის Street Style-ა” – წერს სოციალურ ქსელში ინფლუენსერი ანანო სახელაშვილი, რომელიც, მოდის კვირეულის ფარგლებში, მილანში იმყოფება.
განსაკუთრებული მოწონება დაიმსახურა ანანო სახელაშვილის ვიდეომ, სადაც ის სუპერმოდელ კენდალ ჯენერს შეხვდა და მისი სილამაზის გამო აღფრთოვანება ვერ დამალა. ვიდეოს ქვეშ უამრავმა ადამიანმა გამოხატა სიმპათია ანანოს მიმართ და კომპლიმენტებიც არ დაიშურა:
“კომენტარებს გადავხედე და მართლა გაოცებული ვარ. ჩემსა და კენდალს შორის პარალელის გავლება ცოტა არარეალურია, მაგრამ უფრო მეტად მაოცებს თქვენი სიყვარული და სითბო ჩემ მიმართ. გულწრფელად რომ ვთქვა, არც კი ვიცი, რით დავიმსახურე თქვენგან ასეთი დამოკიდებულება. უზომოდ მიყვარხართ”, – დაწერა მან.
