საქართველოს ფეხბურთის ფედერაციის პრეზიდენტი საქართველო-სომხეთის მატჩის შემდეგ მომხდარ ინციდენტთან დაკავშირებით განცხადებას ავრცელებს.
,,მიუღებელია მსგავსი ქმედება სტუმარი გუნდის გულშემატკივრის მიმართ. შევურაცხვყვეთ, როგორც სტუმარი გუნდის ქომაგი, ასევე არ მიეცა საშუალება ნაკრებს ქომაგებთან ერთად გამარჯვება ეზეიმა.
აღნიშნული ქმედების გამო სანქციებით შესაძლოა დაზარალდეს ჩვენი ნაკრები და ერთგული გულშემატკივარი.
მადლობა ჩვენი ნაკრების ერთგულ მხარდამჭერებს, რომელთაც დინამო არენაზე საუცხოო გარემო შექმნეს. ასევე, დიდი მადლობა სტუმართა გუნდს და მათ გულშემატკივარს, როგორც სომხეთში, ასევე თბილისში მეგობრული გარემოს შექმნისთვის”, – აცხადებს ლევან კობიაშვილი.
