ცნობილ და სკანდალურ დიზაინერს გიორგი მასხულიას ბოლო ხანს სოციალური ქსელის მომხმარებლები განსხვავებული იმიჯითა და სტილით ხედავენ. ბარიატრიული ოპერაციის შემდეგ მან წონაში საგრძნობლად დაიკლო, თუმცა როგორც ჩანს ეპატაჟურ დიზაინერს საკუთარ გარეგნობაში ეს არ აკმაყოფილებდა და კიდევ უფრო მეტი უნდოდა.
რამდენიმე თვეა მასხულიამ სოციალურ ქსელში სახელი ჩაასწორა, გიორგის ნაცვლად გი მასხულია დატოვა, თმები დაიგრძელა დაგარეგნობა კიდევ უფრო დახვეწა.
28 თებერვალს მან ინსტაგრამსა და ფეისბუქ სთორებში განათავსა თბილისის ერთ-ერთ ბარში გადაღებული კადრები, სადაც წერს, რომ სიყვარულთან ერთად იმყოფება. მოგვიანებით კი განათავსა კადრები, სადაც მას პარტნიორი გიორგის თითზე ბეჭედს უკეთებს და ცოლობას სთხოვს.
დამატებითი დეტალები დიზაინერს არ დაუწერია, თუმცა აშკარაა, რომ მას ხელი სთხოვეს და დღეიდან მასხულია ოფიციალურად დანიშნულად ითვლება.
ის სოციალურ ქსელში მხოლოდ მცირე, ისიც აბსტრაქტული პოსტით შემოიფარგლა,
მესამყაროები❤️
აკეთე ის რაც შენს გულს სურს
იყავი ბედნიერი????
არასოდეს დაეცე მუდამ წამოდექი — წერს მწერალთა კავშირის წევრი გიორგი მასხულია.
მანამდე ცოტა ხნით ადრე მასხულია წერდა, რომ ბედნიერია და ხვალ კარგ ამბავს გვაცნობებდა.
მე ბედნიერი ვარ დღევანდელი
ჩემი ცხოვრებით, ხვალინდელს რომ
გავახელ თვალებს გეტყვით. — აღნიშნავდა მასხულია.
ასევე უნდა აღინიშნოს ისიც, რომ წელს პირველად მოხდა, როცა 23 თებერვალს ტრადიციად ქცეული მისტერ ვალენტინის ხმაურიანი კონკურსი აღარ ჩატარდა და არ გამოვლინდა ქართველი მისტერ ვალენტინი 2025. კონკურსის ორგანიზატორი გიორგი მასხულია ადასტურებს, რომ სხვადასხვა მიზეზების გამო ვერ მოხერხდა ამჯერად კონკურსის ჩატარება, თუმცა პირობა დადო, რომ მომავალ წელს კონკურსი აუცილებლად ჩატარდება. ვალენტინის ამ სტატუსს კიდევ ერთი წლით შეინარჩუნებს შარშანდელი გამარჯვებული ტატო ქაშაკაშვილი. თუმცა ამჯერად რამდენიმე თვის წინ რამდენჯერმე დაანონსდა, რომ მისტერ ვალენტინი 2025 იწყებოდა, თუმცა საბოლოო ჯამში ის ვერ შედგა.
