ქობულეთში მცხოვრები ნია მიქელაძე სოციალურ ქსელში ბოლო ზარის დღის სიმბოლურ ფოტოს აქვეყნებს და ემოციურ პოსტს ურთავს.
ფოტოზე ნიას ხელში ორი პერანგი უჭირავს — ერთ-ერთი მისი ტყუპისცალის სახელზეა, რომელიც, როგორც ჩანს, აღარ არის ცოცხალი.
„მე და ჩემი ტყუპისცალი დღეს ერთად ვამთავრებთ და როცა ბავშვობის გზას ბოლო წერტილს ვუსვამთ, ერთი ჩვენგანი მიწაზე დგას, მეორე — ცაზე მიჰყვება იმავე გზას.
ერთმანეთის გარეშე არ ვყოფილვართ არც ერთი წამი, არც დღეს ვართ — მხოლოდ ერთი ხმა ისმის, მაგრამ ორად მიცემს გული. ერთი პერანგი მაცვია, მეორეს კი გულით ვატარებ.
სიყვარულს საზღვარი არ აქვს, ტყუპის გულს კი — მით უმეტეს. აქვე, ყველა მე-12 კლასელს გილოცავთ სკოლის დასრულებას! ნათელ და ბედნიერ მომავალს გისურვებთ,” — წერს სოციალურ ქსელში, ქობულეთიდან ნია მიქელაძე.
