მარიამ შუკაკიძე, რომელსაც თითქმის ხუთი მილიონი გამომწერი ჰყავს ჟურნალ „თბილისელებთან“ საინტერესო თემებზე საუბრობს.
„სანამ ჩემს მეუღლეს გავიცნობდი, მე უკვე „ინფლუენსერი“ ვიყავი. იმ დროს ამ საქმიანობის შესახებ ბევრმა საერთოდ არ იცოდა. ვიღებდი ფოტოებს, ლამაზად ვიცვამდი, რეკლამებს ვაკეთებდი და ასე დავიწყე თანხის გამომუშავება. ვერ ვიტყვი, რომ ფინანსურად მხოლოდ მეუღლეზე ვარ დამოკიდებული. თვითონაც მაქვს შემოსავალი. მეუღლეს თავისი ბიზნესები აქვს, კაპიტანია და სამი თვით მიდის ხოლმე, მაგრამ ის ჩემი მთავარი საყრდენია და ყველაფერში გვერდით მიდგას.
ჩემ მიმართ დიდი დოზით იყო ბულინგი, თითქოს ყველაფერი ფოტოშოპის დამსახურება იყო. ფოტოშოპს ყველა იყენებს და მათ შორის მეც, მაგრამ არა იმ დოზით, რომ ქუჩაში ვერ მიცნონ. პირიქით, ყველა სიყვარულით მხვდება და უამრავ კომპლიმენტს მეუბნება. ჩემთვის ეს არის ყველაზე დიდი სიამოვნება“, – ამბობს მარიამი.
მისი თქმით, დაცვაც ყავს და მძღოლიც.
„კი, მე მყავს დაცვაც და მძღოლიც. პირველ რიგში, ვიტყვი, რომ მე არ ვარ ამპარტავანი ადამიანი და არ ვფიქრობ „მე ვარ, რაც ვარ“. უბრალოდ, რადგან ცნობილი ადამიანი ვარ, ცოტა გარეგნობითაც გამოვირჩევი, ვფიქრობ, რომ ეს აუცილებელია. სამწუხაროდ, საქართველოში ბოლო დროს ძალიან ცუდი ფაქტები ხდება, ამის გამო უფრო მეტად ჩემი მეუღლის გადაწყვეტილება იყო, დაცვა მყოლოდა, რადგან თვითონ, ძირითადად, საქართველოში არ არის. მიზეზი მხოლოდ ესაა და არა ის, რომ მე ვინმეს ზემოდან ვუყურებ“, – ამბობს ინფლუენსერი.
