სურსათის ეროვნულმა სააგენტომ კომპანია „იფქლს” საწარმოო პროცესი შეუჩერა – მიზეზი კრიტიკული შეუსაბამობა გახდა.
„ინფო რუსთავის” ინფორმაციით, „იფქლში” შესამოწმებლად მოქალაქის წერილის საფუძველზე შევიდნენ. მათივე ცნობით, მოქალაქემ სეს-ს მიწერა, რომ 30 იანვარს თბილისში, „ორი ნაბიჯის” ერთ-ერთ ფილიალში შეიძინა შპს იფქლის მიერ წარმოებულ შეფუთული თეთრ პური, რომელშიც უცხო სხეული აღმოაჩინა.
ირკვევა, რომ კომპანიის შემოწმების შემდეგ სეს-მა კრიტიკული და არაკრიტიკული შეუსაბამობა აღმოაჩინა. კრიტიკული შეუსაბამობისთვის კომპანიას საწარმოო პროცესი პრობლემის გამოსწორებამდე შეუჩერა, ხოლო არაკრიტიკული შეუსაბამობისთვის, რაც სურსათის ბიზნესოპერატორად რეგისტრაციის არ ქონა იყო, 1000 ლარით დააჯარიმა.
