კესარია აბრამიძის მეგობარი იაკობ მამულია ამბობს, რომ კესარია აბრამიძემ მის მკვლელობაში ბრალდებულ ბექა ჯაიანთან ურთიერთობა მას შემდეგ გაწყვიტა, რაც გაიგო, რომ ჯაიანი მიტინგების დარბევაში მონაწილეობდა.
“ბოლოს რომ მოხდა მიტინგების დარბევა, მანდ გამოვლინდა ეს ტიპი, რომელიც ხალხს სიამოვნებით ურტყამდა და სცემდა. ეს რომ დაინახა [კესარია აბრამიძემ] გაწყვიტა ურთიერთობა, რაღაც პერიოდი მეგობართან იყო წასული, ქვეყნიდანაც იყო წასული. მერე რაღაც პერიოდის მერე რომ დაბრუნდა იმან, რა თქმა უნდა, არ მოისვენა.
ჩემი ყურით მაქვს მოსმენილი, როგორ ეუბნებოდა კესოს, რომ შენი ბრალია ისიც, რომ გამაგიჟე, რომ მომწონხარ, ვიღაცები მეუბნებიან, რომ გადაკეთებულ ქალთან ხარო”, – ამბობს მამულია მთავარ არხთან.
