ნიკა წულუკიძე გადაცემა ,,• SHOWS”-ში გულწრფელად საუბრობს იმ მხარდაჭერაზე, რომელიც ხალხისგან უგრძნია და ამბობს, რომ სწორედ ამ სიყვარულმა გადაარჩინა ერთ დროს, ცხოვრებაში მომხდარი ტრაგედიის შემდეგ.
ის ასევე შეეხო შვილის აღზრდის სირთულეებსა და თანამედროვე ბავშვების ერთ-ერთ მთავარ პრობლემას – ოცნების არქონას. ნიკა საუბრობს, თუ რაოდენ მნიშვნელოვანია გამოწვდილი ხელი და ის ვალდებულება, რომელსაც ის აკისრებს ადამიანს, იყოს უკეთესი
– ნამდვილად ვგრძნობ ზღვა სიყვარულს ადამიანებისგან, რომელმაც ერთხელ გადამარჩინა. თუ რამ გადამარჩინა, მაგან, დიდმა სიყვარულმა ხალხის, ვიცოდი, რომ რომ ვიღაც იდგა და ომ ჩავმუხლულიყავი, ის დამიჭერდა. მძიმე დღეები რომ იყო ჩემს ცხოვრებაში, ქუჩაში რომ გამოვიდოდი, დედას გეფიცებით, მანქანები ჩერდებოდნენ, ყველა ნაბიჯზე, იყო ვალდებულება, რომ მე უნდა გამეგრძელებინა და შემდეგი ნაბიჯი გადამედგა. ეს რომ იცი, რა ძალაა, გამოწვდილი ხელი გავალდებულებს, რომ უკეთესი იყო. ეს ძალიან მნიშვნელოვანია ჩვენი სოციუმის შესაცვლელად.
ყველაზე რთული შვილის გაზრდაა ცხოვრებაში, იკლავ, იკლავ თავს, რომ ცხოვრებაში არაფერი არ მოაკლდეს. მერე რომ არ უყიდო, აბა რისთვის წვალობ? რომ მისცე მას ყველაფერი. დღევანდელი ბავშვების მთავარი პრობლემა ის არის, რომ ამ ბავშვებს ოცნება აღარ აქვთ. ჩემთვის ექსკურსიაზე წასვლა, ეს იცით, რა იყო, მთელი წელი ველოდებოდი. ეს იყო უდიდესი მოლოდინი, თუნდაც ახალი წლის საჩუქრის დალოდება. ახლა ყველაფერია. ეს რასაკვირველია კარგია, მაგრამ ის აღფრთოვანებული თვალები რაც გვქონდა, ჩვენი შვილის თაობას ბევრს არა აქვს.
შეიძლება დასახო სტრატეგია, ასე ქნა, ისე ქნა, მაგრამ ეს არ გამოგივიდეს. და პირიქით, არ გეცალოს შვილისთვის და თავისთავად გადასარევი გამოვიდეს. მარტო წვრთნა რას უზამს, თუ ბუნებამ არ უშველაო.
