ნიკა გვარამიამ თეა წულუკიანს ლექსი მიუძღვნა.
,,გადასარევია, ასეთი ზუსტი პორტრეტი იშვიათია. ლუპიტა კი არა, ჯალათეა უნდა ერქვას, ოღონდ…” – წერს ის და ლექსს ავრცელებს სახელწოდებით ,,ყასბის ქალიშვილი”.
ყასბის ქალიშვილი
სოფელში ცხოვრობს ლუპიტა,
ყასაბი ჰყავდა მამა.
მამის ხელობა ესწავლა,
სულ ოცნებობდა ამას.
მოსწონდა, როცა საკლავი
ასხმარტალებდა ფეხებს;
მოსწონდა, როცა ხედავდა
რიდით მომზირალ გლეხებს.
მოსწონდა, სისხლის მდინარე
რომ ჩაჰყვებოდა ღელეს;
მოსწონდა, როცა ხედავდა
მამის სისხლიან ხელებს.
მაგრამ ვერ გახდა ყასაბი,
ტანად მორჩილი, ჩია.
ვერ ერეოდა ნაჯახს და
ვერ მოკლა გულის ჭია.
ჰოდა, იფიქრა – ყასბობის
თუკი არ შემწევს ძალა,
სხვაგვარად დავაზიანებ –
ენას ვიხმარებ ხმალად…
სოფელში ახლა ლუპიტას
სუყველა იცნობს, როგორც
ბოროტი ენის პატრონს და
ყასბის მემკვიდრე გოგოს.
ცდილობს, სუყველა დაგესლოს
სოფლის მიღმა თუ მოღმა…
სამოციოდე კილოა
და სამოცივე – ბოღმა.
ანონიმი ესპანელი ავტორი”, – წერს ნიკა გვარამია.
