არეულობაა საზოგადოებრივი მაუწყებლის შენობასთან. აქციის მონაწილეების ნაწილსა და მაუწყებლის ხელმძღვანელობას შორის სიტყვიერი დაპირისპირება იყო.
მოგვიანებით, ნინია კაკაბაძემ ტვ პირველის ჟურნალისტს განუცხადა, რომ დაპირისპირება იყო მასსა და არხის ახალი და მიმდინარე ამბების ბლოკის დირექტორ გიორგი გვიმრაძეს შორის.
„მე ახლა გიორგი გვიმრაძესთან მომივიდა დაპირისპირება მხოლოდ იმიტომ, რომ ვაჩვენე ძალიან სამარცხვინო კადრებს, რომელიც გავიდა ამ ტელევიზიის ეთერში და ვთხოვდი პასუხს – რატომ აკეთებენ ამას. მას არ ჰქონდა ამაზე პასუხი და სასწრაფოდ გახდა აგრესიული, დამიწყო ყვირილი, რის შედეგადაც, საბოლოო ჯამში მოხდა დაპირისპირება. ხელი მკრა და მე გავარტყი სახეში. ეს იყო და ეს“, – ამბობს ნინია კაკაბაძე.
