კოალიცია „ცვლილებებისთვის” ერთ-ერთი ლიდერის, ზურაბ ჯაფარიძის დედის გარდაცვალებამ საზოგადოებაში დიდი რეზონანსი გამოიწვია. პატიმრობაში მყოფი ჯაფარიძე დედის პანაშვიდზე მხოლოდ 20 წუთით მიიყვანეს, რა დროსაც მას ბორკილები ეკეთა. საზოგადოების ნაწილის მხრიდან ამას მწვავე შეფასებები მოჰყვა.
„თავისუფალი უნივერსიტეტის” სამაგისტრო და სადოქტორო პროგრამების დეკანი, ნუცა ბათიაშვილი, პოლიტიკოს ირაკლი ბათიაშვილის ქალიშვილი პირველი ქორწინებიდან (დედა – მაია ნადირაძე), ემოციური პოსტით გამოეხმაურა ზურაბ ჯაფარიძისთვის დედის პანაშვიდზე დასწრების შეზღუდვას. ნუცამ გაიხსენა მამამისის პატიმრობა 2006 წელს.
მისი თქმით, ირაკლი ბათიაშვილი მამის პანაშვიდებზე მთელი დღე იმყოფებოდა და „ნაცები” ისე აცილებდნენ და აბრუნებდნენ ციხეში, რომ ვერავინ მიხვდებოდა, თუ ის პატიმარი იყო”.
ambebi.ge-ზე გამოქვეყნებულ სტატიას კომენტარებში ირაკლი ბათიაშვილის მეორე ქალიშვილი, ირინა ბათიაშვილი (მეორე ქორწინებიდან) გამოეხმაურა და დას მიმართა:
“ნუცა, არ გაბედო მამაჩემის დაჭერის და ჩემი ოჯახის დევნის პერიოდის ხსენება! როცა და მჭირდებოდა (მე არასრულწლოვანს პატარა ბავშვს) და გთხოვე გვერდში დამდგომოდი, გებრძოლა ჩემთან ერთად, დაიკარგე! ერთი წერილი არ მიგიწერია მამაშენისთვის ციხეში და ერთ სასამართლოს არ დასწრებიხარ! რა უნდა გელაპარაკო?! ახლა ბედავ და სპეკულირებ ჩვენი ოჯახით! არ გამოგივა! როგორ ბედავ, რომ ადარებ ამ სიტუაციას?! სად მიჰყავდათ და მოჰყავდათ ირაკლი?? მამაჩემი საკუთარი მამის გასვენებაში არ მოიყვანეს და გზიდან მიაბრუნეს ციხეში იმ არაადამიანმა ნაცებმა ვის გვერდითაც ასე ბედნიერი დგახარ!
ირაკლის საკუთარი მამის დამარხვის და ბოლო გზაზე გაცილების უფლება არ მისცეს ნაცებმა და აქ ვინც ამით ხარობთ, ღმერთმა გაგცეთ პასუხი ყველას!
მამაჩემი მაშინ მეშვიდე საპყრობილის ჯურღმულში ჰყავდათ გამომწყვდეული, რომელთან შედარებით ახლანდელი ციხეები ოაზისია!
მარტო საბჭოთა კავშირის და ტოტალიტარულ რეჟიმებს ჰქონდათ ის აბსურდული მუხლი რითაც ირაკლი გაასამართლეს: ინტელექტუალური დახმარება ამბოხებაში, ამ მუხლით გაასამართლეს ირაკლი (შეიარაღებული გადატრიალების მცდელობისთვის არ გაუსამართლებიათ). – ეს იყო აბსურდული, მოგონილი და შეთითხნილი ბრალდება და შენ, ნუცა, ხარ სამარცხვინო და მატყუარა ქალი, რომელიც შენი გამზრდელი ბებიის, მამაჩემის დედის, რომელიც გადაგყვა მთელი ბავშვობა, პანაშვიდებზეც კი არ მოხვედი. გაოგნებული დარჩა მთელი საზოგადოება შენი ასეთი არაადამიანობით.
ამ ადამიანს, რომელიც ასე უსირცხვილოდ იტყუება და თან მამაჩემის გვარს ატარებს ასე გავცემ პასუხს:
ირაკლი პოლიტიკურ პატიმრად მთელმა საქართველომ, Amnesty International-მა, Human Rights Watch-მა, ყოფილმა დისიდენტებმა და მათ შორის ბუკოვსკიმ აღიარა. ამასთან ადამიანის უფლებათა ევროპულმა სასამართლომ მიიღო გადაწყვეტილება, რომ ირაკლი ბათიაშვილი იყო უსამართლოდ გასამართლებული! მამა რომ გაყალბებული და დამონტაჟებული აუდიო ჩანაწერით დააპატიმრეს – ეს სტრასბურგის სასამართლოს პრესრელიზშიც წერია და ისიც მითითებულია, რომ ამ ჩანაწერითაც არ დგინდებოდა მისი დამნაშავეობა.
ამდენი წელი გავიდა და შენი უსაქციელობა რაც საერთოდ იკადრე არსად მითქვამს, მაგრამ მართლა შენს უზნეობას საზღვარი არ აქვს! გულისამრევია შენი სახე დაკარგულობა და უსინდისობა.
სამწუხაროა და მეცოდები რომ ბათიაშვილების არაფერი გცხია.
თუ შენი უზნეობა იქამდე მივიდა რომ მამაშენი დამნაშავედ მიგაჩნია, როდესაც ის მთელ საქართველოს, ეკლესიას და საერთაშორისო საზოგადოებას პოლიტიკურ პატიმრად და უდანაშაულოდ მიაჩნდათ – ნუცა, ჩემი მოთხოვნაა, თუ ოდნავ მაინც თავმოყვარეობა შეგრჩა უარი თქვი მამაჩემის გვარზე (რატომ ატარებ მამაჩემის გვარს? ეტყობა კარგად იყენებ, სადაც გჭირდება).”
წყარო: resonancedaily.com
