ავსტრიაში დააკავეს საქართველოს მოქალაქე, რომელიც არალეგალურ კოსმეტიკურ ოპერაციას ატარებდა.
დაკაბების პროცესში ის ნაქირავებ ბინაში პროცედურებს ატარებდა – პაციენტი, 58 წლის ქალი კლინიკაში სერიოზული დაზიანებებით გადაიყვანეს.
არსებული ცნობით, დაზარალებული ეჭვმიტანილთან „ნიკაპის აწევის ან გადაჭიმვის“ პროცედურის ჩასატარებლად იმყოფებოდა.
როგორც ავსტრიის პოლიციაში აცხადებენ, ეჭვმიტანილმა ქალს ყელის, ყურებისა და ყბის არეში რამდენიმე ჭრილობა გაუკეთა, რასაც ყელის არეში სისხლდენა და სუნთქვის გართულება მოჰყვა. ადგილზე სასწრაფო გამოიძახეს, რომელმაც ფაქტის შესახებ პოლიციას ამცნო.
პოლიციის განცხადებით, 35 წლის კაცს ავსტრიაში სამედიცინო სფეროში მუშაობისთვის აუცილებელი ლიცენზია არ აღმოაჩნდა. რაც შეეხება „საქართველოში ქირურგად მუშაობას“, ამის შესახებ გამოძიება გრძელდება.
წყარო: primetime
