სეთის საგარეო საქმეთა სამინისტრო 4-5 მარტის ჟენევის ფორმატში შეხვედრების შემდეგ გავრცელებული გქნცხადებით, საქართველოსგან კვლავ ითხოვს ოკუპირებულ რეგიონებთან ,,საზღვრის დელიმიტაციას” და საქართველოს მიერ ,,ძალის არგამოყენებაზე” ვალდებულებას.
,,რეგიონში საერთო ვითარების შემდგომ გაჯანსაღებას ხელს შეუწყობდა საქართველო-აფხაზეთისა და საქართველო-სამხრეთ ოსეთის სახელმწიფო საზღვრების დელიმიტაციის პროცესის რაც შეიძლება სწრაფად დაწყება მათი შემდგომი დემარკაციით”, – განაცხადეს რუსეთის საგარეო საქმეთა სამინისტროში.
რუსეთის საგარეო უწყებამ მონაწილეებს ყურადღება ასევე გაამახვილებინა ,,საქართველოს გასული წლის წინასაარჩევნო კამპანიის დროს ამ ქვეყნის უმაღლესი ხელმძღვანელობის პირებისგან აფხაზეთსა და სამხრეთ ოსეთთან დაკავშირებით გაჟღერებული შემრიგებლურ განცხადებებზე” და დაანონსებული ზრახვების ხელახლა დადასტურების მნიშვნელობას გაუსვა ხაზი და ასევე, ,,მათ ტრანსფორმაციას კონკრეტულ პრაქტიკულ ნაბიჯებში, უპირველეს ყოვლისა, იურიდიულ ვალდებულებებში საქართველოს მიერ აფხაზეთის რესპუბლიკისა და სამხრეთ ოსეთის რესპუბლიკის წინააღმდეგ ძალის არგამოყენების თაობაზე, შესაბამისი შეთანხმების ფორმით”.
რუსეთის საგარეო უწყების თქმით, ოკუპირებული რეგიონებიდან იძულებით გადაადგილებული პირებისა და დევნილების შესახებ გაეროს გენერალურ ასამბლეაში საქართველოს მიერ ყოველ წელს შეტანილი რეზოლუცია ,,სერიოზულ გამაღიზიანებლად” რჩება.
წყარო: ambebi.ge
