გუდარუში ინდური რესტორნის ტერიტორიაზე, საძინებელ სივრცეში 12 ადამიანის ცხედარი იპოვეს.
მომხდართან დაკავშირებით პირველი კომენტარი გააკეთა რესტორნის მფლობელმა.
„არ ვიცით ზუსტად რა მოხდა, ახლა ექსპერტიზა ტარდება. მთელი ჩვენი სტაფია დაღუპული. მათ შორის ჩემი მაზლიცაა. ეჭვობენ, რომ გენერატორის ბრალია. შუქი არ იყო და გენერატორი ჩართეს. იცით თბილისშიც რა ამინდი იყო გუშინ. გენერატორი ჩაურთავთ, გარეთ არ გაუდგამთ თურმე, კარებიც დაუხურია ვიღაცას. არადა კარი სულ ღია იყო ხოლმე, როცა გენერატორს რთავდნენ. ეტყობა, ძალიან რომ ციოდა, ეს კარიც დაკეტეს და გაიგუდნენ. ჩვენც ახლა დაკითხვაზე ვართ. დილით ჩვენმა ტაქსის მძღოლმა, პროდუქტები ჩამოიტანა თბილისიდან და მან ნახა ცხედრები”, – ამბობს ის.
