ტელეწამყვანი ნანიკო ხაზარაძე სოციალურ ქსელში წერს, რომ მაკა ასათიანის ბულინგი გუშინდელი ღონისძიების შემდეგ ვერავინ გაბედა, თუმცა კომენტარებში წერენ, რომ მაკასაც დაუწერეს ნეგატიური შეფასებები.
„საინტერესო რამ გამოიკვეთა. მაკა ასათიანს ვერავინ უბედავს რამის თქმას, დაბულინგებას, ჭკუის სწავლებას და ა.შ
ფოტო ილუსტრაციისთვის. მიყვარხართ”, – წერს ხაზარაძე.
ცნობისთვის, გუშინ, ყულევში ნავთობგადამამუშავებელი ქარხნის პროექტის პრეზენტაცია გაიმართა, სადაც სიტყვით “ბლექ სი პეტროლიუმის” დამფუძნებელი მაკა ასათიანიც გამოვიდა. ყულევის ნავთობგადამამუშავებელი ქარხნის მშენებლობას კომპანია “ბლექ სი პეტროლიუმი” განახორციელებს, რომელიც 2022 წელს ბიზნესმენმა მაკა ასათიანმა დააფუძნა.
ღონისძიებას პრემიერ-მინისტრი ირაკლი კობახიძე და ეკონომიკისა და მდგრადი განვითარების მინისტრი ლევან დავითაშვილიც დაესწრნენ.
