საქართველოში გრიპით ერთი ადამიანი გარდაიცვალა. ამის შესახებ „ინტერპრესნიუსს“ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოვალეობის შემსრულებელმა პაატა იმნაძემ განუცხადა.
მისი თქმით, პაციენტს მძიმე თანმხლები დაავადებები ჰქონდა. შემთხვევა 2 კვირის წინ მოხდა.
მედიკოსების თქმით, ქვეყანაში გრიპის გავრცელების მაჩვენებელი კვლავ მაღალია.
გრიპის შემთხვევების ზრდასთან ერთად გაიზარდა ჰოსპიტალიზაციის მაჩვენებელიც.
წყარო: ipn
