როგორც წესი, საქართველოს ეროვნული ნაკრების თამაშების ტრანსლაცია პირველ არხზე ხორციელდება, თუმცა, საქართველო-უკრაინის მატჩი გამონაკლისი იქნება.
საქმე იმაში მდგომარეობს, რომ თამაშს 2024 წლის საბავშვო ევროვიზია ემთხვევა, რომელიც 16 ნოემბერს, ზუსტად 21:00 საათზე იწყება.
ცნობისთვის, ჩვენს ქვეყანას საბავშვო ევროვიზიის სიმღერის კონკურსზე 11 წლის ანდრია ფუტკარაძე წარადგენს.
ხოლო რაც შეეხება საქართველო-უკრაინას შორის ერთა ლიგის ფარგლებში გასამართ მატჩს, მისი ხილვის შესაძლებლობა პირველი არხი სპორტზე, ვებპორტალზე 1tv და პირველი არხი სპორტის იუთუბ არხზე გექნებათ.
შეგახსენებთ, რომ საქართველო უკრაინას ბათუმში უმასპინძლებს. შეხვედრა 16 ნოემბერს, 21:00 საათზე დაიწყება.
