ვლადიმერ კაკაშვილი, რომელიც დინამო თბილისის აკადემიაში 13 წლის განმავლობაში მუშაობდა და ყველა სახელოვანმა ფეხბურთელმა მის ხელში გაიარა, LaGazzetta.ge-სთან ინტერვიუში სახალისო ისტორიას იხსენებს:
„დინამოს აკადემიაში აკრძალული გვქონდა, რომ ფეხბურთელებს სწრაფი კვების ობიექტებში ეკვებათ. ერთ დღესაც, მე და ჩემი ასისტენტი საცხობში შევედით და კვარაცხელიას ვხედავთ. რომ ვკითხეთ, აქ რას აკეთებო, გვითხრა, უბრალოდ ვზივარ, არაფერს ვჭამო. ზუსტად 2 წუთში, სალაროდან დაუძახეს თქვენი შეკვეთა მზად არისო (იცინის). მაშინ ხვიჩა საკმაოდ პატარა იყო. დღეს, მისი პროფესიონალიზმი და რეჟიმისა და კვების დაცვა მართლაც სამაგალითოა“, – ამბობს ვლადიმერ კაკაშვილი.
