როგორც ცნობილია, ესპანეთის ქალაქი ვალენსია, სადაც გიორგი მამარდაშვილის და გიორგი ქოჩორაშვილი თამაშობენ, გამანადგურებელი სტიქიის შედეგებს ებრძვის. გადაუღებელი წვიმებით გამოწვეულმა წყალდიდობამ ასეზე ადამიანი იმსხვერპლა და უამრავი ოჯახი დააზარალა.
სულ ახლახან ლა ლიგის ოფიციალურ საიტზე გამოქვეყნებული განცხადების თანახმად, სტიქიის გამო, გიორგი მამარდაშვილის ვალენსიას და გიორგი ქოჩორაშვილის ლევანტეს მატჩები, რომლებიც 2 და 4 ნოემბერს უნდა გამართულიყო, გადადებულია.
„ვალენსიამ“ და „ლევანტემ“ დაღუპულთა ოჯახებს სოციალური ქსელის საშუალებით მიუსამძიმრეს. „ვალენსიას“ სამძიმრის პოსტი გადააზიარა გიორგი მამარდაშვილმაც.
ფეხბურთელებთან დაახლოებული ქართული წყაროს, Geo Team-ის ინფორმაციით, გიორგი მამარდაშვილი და გიორგი ქოჩორაშვილი ოჯახებთან ერთა უსაფრთხო ადგილას არიან და თავს კარგად გრძნობენ.
ცნობისთვის, ვალენსიაში საკმაოდ დიდი ქართული დიასპორაა.
