ხვიჩა კვარაცხელიას ნაპოლი იტალიური სერია A-ს სათავეში მოექცა და ახლა, ეს იტალიური საფეხბურთო სამყაროს მთავარი სასაუბრო თემაა. ანტონიო კონტეს ხელში გუნდი სხვა სიმაღლეზე ავიდა, მწვრთნელთან ერთად, წარმატების მთავარი შემოქმედები კი ხვიჩა კვარაცხელია და რომელუ ლუკაკუ არიან. როგორც CalcioMercato წერს, პროგრესიდან გამომდინარე, ნაპოლი ჩემპიონობის რეალურ კანდიდატად უნდა მივიჩნიოთ, გუნდის წარმატების მთავარი საყრდენი კი ქართველი ფეხბურთელი უნდა გახდეს.
“კალიარისთან მატჩში გამარჯვებისა და ტურის სხვა შედეგების გათვალისწინებით, აღმოჩნდა, რომ ნაპოლიმ სერია A-ს სატურნირო ცხრილის სათავეში “გაიღვიძა”.
ალბათ, უკვე შეიძლება იმის თქმა, რომ კონტე იმ წყვილით ტკბება, რომელზეც სეზონის დაწყებამდე ოცნებობდა. იმ დღიდან, როდესაც ნაპოლისთან კონტრაქტი გააფორმა, მას მინდორზე კვარაცხელიას ტალანტისა და ლუკაკუს ძალისმიერი თამაშის შერწყმა სურდა. ამ დუეტს ყველაფერი აქვს იმისთვის, რომ კიდევ ერთხელ გააგიჟოს ნეაპოლი და ის ამ სეზონშიც სკუდეტომდე მიიყვანოს.
