ჟურნალისტი ეკა მიშველაძე მისი მეუღლის საქმეს სოციალურ ქსელში ეხმაურება:
„უნდა დავწერო ორი სიტყვა ბუკას სასამართლოზე და მაგ ამბავზე, მიუხედავად იმისა, რომ ბევრად დიდი უსამართლობები ხდება ქვეყანაში და ათეულობით ადამიანია, ვინც უფრო მეტ ყურადღებას იმსახურებს, მათ შორის უპირველესად მზია ამაღლობელი და თემურ ქათამაძე- მოშიმშილე ტყვეები!
17 იანვარს იყო მამების და შვილების მარში! მამების და შვილების და დასრულდა რუსთაველზე – ცხადია. კადრებშიც ჩანს, პოლიცია თავად დგას გზაზე და ხალხიც გადადის, მათ შორის იყო ბუკაც. იქით კი პოლიცია უკვე აღარ უშვებს მანქანებს რუსთაველისკენ და მერიოტისკენ ახვევინებენ, თავად გადაკეტეს ანუ გზა – ეს ყველაფერი კადრებშია. ოღონდ ორი უტიფარი გოგო შსს-დან ამ ყველაფერს არ ხედავდა, ვერ კი არა – არ! და თეთრზე შავიაო ამბობდნენ.
ძალიან ძნელია ამ უსამართლობის ყურება, მოსმენა, მოთმენა, ატანა, გაძლება… მაგრამ, ბრძოლა აუცილებელია! ბრძოლა იქნება ბოლომდე, ვიდრე საქართველოს, ივანიშვილის რეჟიმისგან არ დავიხსნით! ცეცხლი ოლიგარქიას!” – წერს ეკა მიშველაძე.
ცნობისთვის, ბუკა პეტრიაშვილი გზის გადაკეტვისთვის 5 000 ლარით დააჯარიმდა.
