ინფლუენსერი თი მაჭავარიანი „ინსტაგრამის“ გამომწერებს ყოველდღიურად უზიარებს ცხოვრებისეულ სიახლეებს როგორც კარიერულ ამბებს, ასევე ოჯახის და შვილების შესახებ ამბებს. ამჯერად მან „იუთუბის“ საკუთარ არხზე გამომწერების კითხვებს უპასუხა.
„ოჯახი და პირადი, ძირითადი შეკითხვები რა თქმა უნდა ამაზე არის. ბოლო 5 წლის განმავლობაში ყველაფერს გიზიარებდით გულახდილად. თქვენ ძალიან კარგად ხედავდით, ყოველი დაშორების შემდეგ ემოციებს და განცდებს, ახლა კი ხედავთ, როგორი გაზრდილი ვარ ემოციურად. 5 წლის წინ დებილი და გამოუცდელი ვიყავი, პირველი დაშორების შემდეგ, დეპრესიაში ვიყავი და გარეთ არ გავდიოდი…მენტალურად გავნადგურდი, ამის შემდეგ ყოველი დაშორება მარტივდებოდა… ანუ 5 წლის წინ საკუთარი თავის ფასი არ ვიცოდი. იდეალური კაცი არ არსებობსო, ამბობენ, მაგრამ მე კაცს საერთოდ არ ვეძებ. მე ვარ ადამიანი, რომელიც პარტნიორს კომფორტს შეუქმნის და იზრუნებს მასზე. მაგრამ, რასაც არ ვიმსახურებ, არაფერზე არ დავხუჭავ თვალს. მამაჩემმა მითხრა, ასეთი სამართლიანი რომ ხარ, ადამიანები ამიტომაც ვერ გიქაჩავენო. ვგრძნობ, რომ ცხოვრების ახალ ეტაპზე გადავდივარ…ბოლო პერიოდში ბევრი რამე დავიტეხე თავზე, მაგრამ სხვა გზა არ მქონდა…სამსახური დავტოვე, ბინას ვყიდი, ურთიერთობა დავასრულე, საცხოვრებელს ვიცვლი, ბანკს მინდა თავი დავაღწიო, ვერ შევირგე მოკლედ აქ ცხოვრება“,- ამბობს თი მაჭავარიანი ვიდეოში.
