ფოტოგრაფი გოგა ჩანადირი ვალენსიაში მომხდარ სტიქიას ეხმაურება.
ცნობისთვის, გადაუღებელი წვიმების შედეგად გამოწვეულმა წყალდიდობამ 70-მდე ადამიანი იმსხვერპლა.
„რამხელა ტრაგედია ტრიალებს ვალენსიაში – წყალდიდობამ დატბორა ქალაქი და მიმდებარე დასახლებები, გარდაცვლილია 70-მდე ადამიანი.
მსგავსი მასშტაბის უბედურება ქალაქს 1957 წელსაც დაატყდა.
ქოჩორა, მამარდა და კიდევ უამრავი ქართველია ამ მხარეში. ისინი კარგად არიან.
ვუსამძიმრებ ესპანელებს“, – წერს გოგა ჩანადირი.
ნაკრების ფეხბურთელებთან დაახლოებული წყაროს, Geo Team-ის ცნობით, „ვალენსიას“ ფეხბურთელი გიორგი მამარდაშვილი და ამავე ქალაქის კლუბის, „ლევანტეს“ ქართველი მცველი გიორგი ქოჩორაშვილი ოჯახებთან ერთად უსაფრთხო ადგილზე არიან და თავს კარგად გრძნობენ.
