აშშ-ის ჯორჯიას შტატში, ქალაქ კოლუმბუსში, 15 წლის მოზარდი სასკოლო ავტობუსიდან ჩამოსვლისას სასიკვდილოდ დაჭრეს. შემთხვევის ადგილიდან ერქავიონ ლი საავადმყოფოში გადაიყვანეს, თუმცა, ის მალევე გარდაიცვალა.
იმავე დღეს პოლიციამ, მკვლელობაში ეჭვმიტანილი 20 წლის როანილ კლანტონი დააკავა. მკვლელობის შესაძლო მოტივი ჯერჯერობით უცნობია. დაგეგმილ სასამართლო სხდომამდე, კლანტონი დროებითი მოთავსების იზოლატორში იმყოფება.
The Independent-ის ინფორმაციით, თებერვალში, იმავე ქალაქში, ერქავიონ ლის 18 წლის ძმაც მოკლეს.
