ყოფილ მოდელ ლიკა შენგელიასა და ტელეწამყვან სალომე გოგიშვილს შორის არსებულ კონფლიქტს ბოლო პერიოდია, ქართული მედია აქტიურად განიხილავს. სოციალურ ქსელში გამოქვეყნებულi წერილებსა თუ ვიდეოების მეშვეობით, მათ ამ კონფლიქტის დეტალებზე ისაუბრეს. სალომე გოგოიაშვილმა ლიკა შენგელია ქმართან რომანში დაადანაშაულა, ლიკა შენგელიამ კი ფიზიკურ ძალადობაში, კერძოდ, თავის არეში ბლაგვი საგნის, სავარაუდოდ, ჩაქუჩის ჩარტყმაში დასდო ბრალი.
სკანდალის ფონზე სალომე გოგიაშვილი ქმარს დაშორდა, დეტალებზე კი თემურ ებიტაშვილის პოდკასტში ისაუბრა:
„პირველი რაც შემეგება, ჩემი ოთხივე შვილის თვალები იყო… გაოგნებულები იყვნენ. თუ აქამდე ჩვენს შორის უსიამოვნება იყო, მათ არასდროს ვაგებინებდი. ასეთი დამოკიდებლება მქონდა შვილების მიმართ. მერე, თქვენ რიგდებით და შვილებს კი მთელი ცხოვრება მიჰყვება ეს უსიამოვნება. ჩვენ ვმეგობრობდით… 15 წელი არაა პატარა დრო, არც 15 დღეა… ჩვენი ცხოვრება ისე წარიმართა, რომ ძმაკაცი უფრო ვიყავი, კაცივით ვედექი გვერდზე. ეგ ღალატი მეწყინა.
რა რეაქცია გექნება, რომ გაიგო, ისინი ერთად არიან?
– ძალიან გამიხარდება. მართლა ძალიან გამიხარდება, ღმერთს ვთხოვ, რომ ერთად იყვნენ. ამაზე დიდი სასჯელი რაღა უნდა ვუსურვო.
„გადაწყვეტილება მივიღე, რომ უნდა გავცილებოდი და განვიხილეთ… ვუთხარი, როგორც გაგიხარდება, გინდა ვიყოთ აქ, ან ნელ-ნელა დავიშალოთ, ან გადადი, ან მე გადავალ… ჩემთვის სულ ერთია… თვითონ წავიდა…“
– ახლა როგორი ურთიერთობა გაქვთ?
– როგორიც ადრე გვქონდა ისეთი, უბრალოდ, დავშორდით…
– მეგობრული?
– მეგობრობას სხვა რაღაცას ვეძახი, როცა გენატრება და მის გარეშე ცხოვრება არ შეგიძლია. ასეთი დამოკიდებულება მაქვს ამ ეტაპზე, უბრალოდ, შვილები გვყავს რა…
– ღიმილით საუბრობ… არის იმის შესაძლებლობა, რომ რაღაც პერიოდის შემდეგ ერთად იყოთ?
– არა, გამორიცხულია.
პოდკასტში სალომე გოგიაშვილი პოლიტიკურ შეხედულებებზეც საუბრობს, კერძოდ ბიძინა ივანიშვილთან ურთიერთობაზე:
– რას ფიქრობ, მმართელი პარტიის მხარდამჭერი რომ არ ყოფილიყავი ნაკლები ბულინგი იქნებოდა?
– კი, ან შეიძლება საერთოდ არ ყოფილიყო… მაგრამ აქაც ვეჯახებით ერთგულების თემას. ჩემთვის ყველაზე მნიშვნელოვანი ადამიანის ერთგულებაა. მინდოდა ამ თემაზე საუბარი და მადლობა, რომ ეს კითხვა დამისვი. რადგან სულ ან ჩაქუჩზე, ან ქმართან დაშორებაზე ვლაპარაკობ და ძალიან დავიღალე. ბატონ ბიძინასთან ჩემს ოჯახს დიდი ხნის ურთიერთობა აკავშირებს. ჯერ არავინ იცნობდა ბატონ ბიძინას, ჩემი ოჯახი მასთან რომ მეგობრობდა. ცხოვრება ისე წარიმართა, რომ მისი დახმარება დამჭირდა…. კი… მაგიტომ… ადამიანი გვერდში რომ დაგიდგება მადლიერი უნდა იყო.
