თბილისში მომხდარმა შემზარავმა ამბავმა საზოგადოება აალაპარაკა. ახალგაზრდამ ჯერ დედა მოკლა, შემდეგ კი სიცოცხლე თვითმკვლელობით დაასრულა.
მანამდე, მან გაავრცელა ვიდეო, რომელშიც განმარტა, რომ ჰქონდა ფსიქოლოგიური პრობლემები და ნაწყენი იყო დედასა და მეგობრებზე.
იმ მეგობრებს შორის, რომლებსაც ღალატში ადანაშაულებდა, მან ერთ-ერთი ცნობილი ბლოგერი და „პრაიმ ჰაუსის“ ყოფილი მონაწილე, სოფი ნურაშვილი დაასახელა.
ამასთან დაკავშირებით, სოფიმ ვიდეო მიმართვა გაავრცელა და დეტალებზე ისაუბრა:
„გამოვიარე საკმაოდ მძიმე დღე-ღამე. საღამოს 12-იდან დილით 7 საათამდე ვიმყოფებოდი განყოფილებაში, სადაც დაიტოვეს ჩემი ტელეფონი. ცოტა ხანი დრო მჭირდებოდა, რომ ეს ყველაფერი გამეაზრებინა… ძალიან ცუდად ვხდები, რომ ვიაზრებ, რომ შეიძლებოდა, ჩემთვისაც დაერეკა და ეთქვა, რომ ვჭირდები და შემხვდი, მეც გავქცეულიყავი და შევხვედროდი და 40 ჭრილობა ახლა მექნებოდა მე.
მას ვიცნობდი როგორ კარმენს, გვარი არ ვიცოდი. ერთმანეთი დაახლოებით 3 ან 2 წლის წინ გავიცანით. მე მიშლიდა ხოლმე ტაროს და აქედან გამომდინარე დავახლოვდით, მაგრამ არ გვქონია ყოველდღიური ურთიერთობა. ერთადაც ხშირად გვიმოგზაურია. ჩვენ ერთად არ გვიმუშავია. ძალიან მხარში მედგა, საკმაოდ განათლებული ადამიანი იყო მის ასაკთან შედარებით. ყოველთვის კარგ რჩევებს მაძლებდა. როცა „პრაიმჰაუსში“ ვმონაწილეობდი, სხვები რომ არ მოდიოდნენ, ის მოდიოდა და მხარში მედგა, მაგრამ კიდევ ერთხელ ვამბობ, ყოველდღიური აქტიური ურთიერთობა არ გვქონია თუ არ ჩავთვლით ათასში ერთხელ ყავაზე გასეირნებას.
დაიწყო რაღაც ჩატზე საუბარი და მომწერა, შენ მღალატობო. გამიკვირდა, ძალიან ბევრ ჩატში მამატებენ და რომელ ჩატზე ამბობთქო. შენ იმ ჩატში ხარ და უყურებ ჩემზე შეთქმულება როგორ მზადდებაო. რა სისულელეა მაჩვენე სქრინი, რომ მანდ ვარ, ან დარწმუნებული ხარ, რომ ვინმემ ჩემი სახელით არ შექმნათქო. მაგრამ რატომ უნდა გაჩვენო, შენ ხარ მოღალატეო. არაფერი მტკიცებულება არ უჩვენებია იმ ჩატზე.
განვიცდიდი მის მდგომარეობას, ვეხვეწებოდი, თუ ვინმე ცუდად გექცევა, წამოდი პოლიციაშითქო. გადავქექე ინსტაგრამი, ფეისბუქი, ვერ ვნახე. სქრინებს რომ არ მაჩვენებდა, ცოტა შემეპარა ეჭვი. მე ტარო მეუბნება, რომ ეგ ყველაფერი ხდებაო… ძალიან ისეთ რაღაცებს იძახდა, რომლებიც ერთმანეთს არ ემთხვეოდა. ყველას მივმართე, რომ თუ არის შესაძლებელი, ექიმთან მიმეყვანა, მაგრამ იყო სრულწლოვანი და ეს უნდა გაეკეთებინა მის ოჯახის წევს. ყველა სქრინი აქვს პოლიციას, სადაც არაადეკვატურად იქცეოდა, იძახდა, ბინა გამიყიდაო. ძუკნა დედაჩემიო. მივწერე, ერთად მივიდეთ, დაგეხმარებითქო, მაგრამ დამემუქრა… შემდეგ ჩაწერა ტიკტოკი, სადაც ათზე მეტ ადამიანს იხსენიებს, მათ შორის მე. შემდეგ წავიდა თავის ნაქირავებ ბინაში, იქედან გადმოიგდო თავი.
ჩემი ასე თუ ისე ცნობადობა გამოიყენა. ადამიანური გაგება სად არის, რომ მეუბნებით შენ მოკალიო? ყველაზე საშინელ მდგომაროებაში ვარ და ჩაქოლვით მემუქრებით, ჩემზე ამხელა ამბავი აწიეთ. გამოძიებას მაინც დაელოდეთ “, – ამბობს ის ვიდეოში.
@sopiko_0მე არ ვიყავი ახლა მზად, ამ დგომარეობაში ამ ვიდეოს ჩაწერის. შეიძლებოდა მე მოვეკალი. რომ დაერეკა შემხვდიო, ვნახავდი. არ მაცადეს, რომ ცოტა აზრზე მაინც მოვიდე რა მოხდა. ტელეფონთან არ მქონდა წვდომა, ამიტომ მოხდა ჩემი სოც ქსელების დახურვა. ჩვენ ვმოგზაურობდით ერთად, ვმეგობრობდით, !ერთად არსად არ გვიმუშავია! თავი შეიკავეთ არადამიანებო, გვაცადეთ გლოვა! უდიდესი ზიანი მომადგა მენტალურად! ძალიან მძიმე ღამე გამოვიარე. ყველას ვერ ვუშველი, ჩემს პრობლემებს ლივს ვუმკლავდები. არავინ გაიძულებთ ჩემს ადგილას თავი დააყენოთ, მაგრამ სიმართლე მაინც გაარკვიეთ!♬ original sound – sopiko_0
