ახმედი ნავთობის იმპერიის სათავეში მყოფთა მემკვიდრე იყო. მისი ოჯახის ბიზნესს უდიდესი შემოსავალი მოჰქონდა. 35 წლის ასაკში ახმედს თავდავიწყებით შეუყვარდა ერთი ქალი. გოგონა მასზე 16 წლით უმცროსი იყო.
ისინი დაქორწინდნენ და ბედნიერად ცხოვრობდნენ, ახმედს სხვა ქალებისკენ გახედვაც არ უნდოდა. ყველაფერი შესანიშნავად მიდიოდა, თუმცაღა, კაცსს მძღოლი, რომელსაც ბავშვობიდან იცნობდა, არწმუნებდა, რომ პატარძალი მას ატყუებდა. ახმედი დაღალა მისმა გაუთავებელმა მინიშნებებმა და გადაწყვიტა, მძღოლის ფორმა ჩაეცვა და ქალისთვის ეთვალთვალა. ის, რაც მან შეიტყო იმაზე წარმოუდგენელი იყო, ვიდრე აზრად მოუვიდოდა…
თუმცა, ისტორიის მოყოლა თავიდან დავიწყოთ: ახმედი ძალიან მომხიბვლელი კაცი იყო – სულგრძელი და კეთილი. ის დუბაიში გაიზარდა, ფუფუნებასა და კეთილდღეობაში. კაცმა განათლება ევროპის და ამერიკის საუკეთესო მასწავლებლებისგან მიიღო. ამიტომ, მან შტატებში გადასვლა გადაწყვიტა, რომ ერთ-ერთ ცნობილ უნივერსიტეტში ფინანსები შეესწავლა.
მისი ქორწინების საკითხით მშობლები იყვნენ დაკავებული, მათ ერთი გოგონა შეარჩიეს მდიდარი ოჯახიდან ჯერ კიდევ იქედან მოყოლებული, როცა სარძლო ხუთი წლის იყო. ამიტომ, როდესაც ახმედმა საზღვარგარეთ გადასვლა დააპირა, მშობლებმა შეახსენეს, თუ რა პასუხისმგებლობა ჰქონდა აღებული. მისი საცოლე ძალიან ლამაზი გოგონა იყო, მაგრამ კაცს ის არ უყვარდა. მან მშობლებს უთხრა, რომ მისი ქვეყნის კულტურას პატივს სცემდა, მაგრამ სიყვარულის გარეშე შექმნილი ოჯახის არ სჯეროდა.
