ცოტა ხნის წინ ცნობილი გახდა, რომ შორენა ბეგაშვილი დაინიშნა. მისი რჩეული 65 წლის ქართველი ბიზნესმენი მამუკა ურუშაძეა. წყვილს შორის 23-წლიანი ასაკობრივი სხვაობაა.
ფოტომოდელისა და ტელეწამყვანის ნიშნობის ამბავს დიდი გამოხმაურება მოჰყვა. კომენტარებისა და გამოხმაურებების შესახებ ვიდეომიმართვაში ისაუბრა და კეთილი სურვილებისთვის გულშემატკივრებს მადლობა გადაუხადა.
„ახლა ვკითხულობდი კომენტარებს და მინდა გითხრათ უდიდესი მადლობა, ვინც მომილოცეთ, ვისაც გაგიხარდათ, ვინც მგულშემატკივრობთ მთელი ამ წლების განმავლობაში.
პოსტს აქვს 4 მილიონი ნახვა, 45 000-ზე მეტი გადაგზავნა… არ ვიცი, გაუგებარი ამბავია. პატარა ტელევიზია მაქვს ჩემს ინსტაგრამში.
თუმცა არიან ისეთი ადამიანებიც, ვისაც გაუხარდათ კი არა, არ ვიცი, ვენები გადაიხსნეს. მე მესმის თქვენი… მესმის, მაგრამ ძალიან მეზარება ამ ამბავზე რაიმეს თქმა… გკოცნით!“,- ამბობს შორენა.
