გადაცემა „სიცრუის დეტექტორის“ ახალი ეპიზოდის გადაღებისას, იუმორისტ ვალალო კოპალეიშვილისთვის დასმულ შეკითხვას სტუმრების გაღიზიანება მოჰყვა.
უფრო კონკრეტულად, წამყვანმა იკითხა – „ღამის შოუში“ თქვენს შესაძლებლობებს მაქსიმალურად იყენებენ?
რაზეც ვალალო კოპალეიშვილმა უპასუხა – „არა“.
ამის შემდეგ, მისმა თანმხლებმა პირმა, „ღამის შოუს“ წამყვანმა გიორგი გაბუნიამ წამყვანს მიმართა:
„ბოდიშს გიხდით, ცოტა უხერხული შეკითხვა იყო ჩემი აზრით“.
ამის შემდეგ, სტუმრებმა გადაცემის გაჩერება მოითხოვეს.
როგორც აღმოჩნდა, ეს დადგმული სცენა იყო, რომლითაც გადაცემის წამყვანი და სტუმრები გაეხუმრნენ ვალალო კოპალეიშვილს, რომელიც, როგორც წესი, თავად არის ხოლმე მსგავსი ხუმრობების ინიციატორი.
