მაია ასათიანმა ნანუკა ჟორჟოლიანთან ინტერვიუში გაამხილა, რომ აპირებს, ტელევიზიას დაუბრუნდეს.
მან დაასახელა, რა შემთხვევაში მოხდება ეს.
„იქ, სადაც დიდი კარიერა კეთდება, სამართლიანობის ადგილი იშვიათად არის. მე ყოველთვის წესებით მოთამაშე ვიყავი, მიუხედავად იმისა, რომ ჩვენს პროფესიაში სულ ბრძოლა წესების გარეშეა. ველოდები არჩევნებს. სულ მეკითხებიან, როდის დავბრუნდები და მინდა თუ არა დაბრუნება. ახლა მე ძალიან მინდა დაბრუნება. ზუსტად ვიცი, რომ დავბრუნდება. ოღონდ ეს ხელისუფლება რომ წავა მაშინ.
ზუსტად ვიცი როგორ გადაცემას გავაკეთებ, ვისთვის იქნება ეს გადაცემა, როგორი სასარგებლო იქნება, ოღონდ, მხოლოდ იმ შემთხვევაში, თუ საქართველო იქნება ევროპის ნაწილი. ზუსტად ვხედავ იმ დღეს, როცა დავბრუნდები და ეს აუცილებლად მოხდება. მე ამის გარეშე ცხოვრება არ შემიძლია“, – ამბობს მაია ასათიანი.
