“ხატია ბუნიათიშვილმა დამირეკა და მითხრა ასეთი ფრაზა… ისე შემრცხვა, მივხვდი, სად დავუშვი ძალიან დიდი შეცდომა“ – ნანუკა ჟორჟოლიანმა საზოგადოებისთვის უცნობი დეტალები გაიხსენა

ნანუკა ჟორჟოლიანმა გაიხსენა, როგორ შეუცვალა ხატია ბუნიათიშვილმა შეხედულება ერთ-ერთ მნიშვბელოვან საკითხზე.

„მე მქონდა კატასტროფულად არასწორი განცხადება სექსუალურ უმცირესობებთან დაკავშირებით. გაჯიუტებული ვიყავი და ვამბობდი, რომ მე ამაში პრობლემას ვერ ვხედავ, ბოდიშს არ მოვიხდი. მაშინ ხატია ბუნიათიშვილმა დამირეკა და მითხრა, მოდი მე შენ საკითხს სხვანაირად შეგახედებ – აი შენი შვილი რომ იყოს, რას იზამდიო? მართლა წარმოვიდგინე, რომ მარიამი მართლა წარმოადგენს ამ თემს, წარმოვიდგინე როგორ ჩაგრავენ, როგორ ექცევიან და მითხრა ასეთი ფრაზა – ნანუკა წარმოიდგინე, რომ ცხოვრობს რეგიონში ქალი, რომელიც მის შვილში ხედავს, მაგრამ ეშინია, რომ რას იტყვის მეზობელი და შენ მისთვის ხარ ავტორიტეტი და შენ ამას ეუბნები, რომ შენთვისაც ეს პრობლემაა.

ისე შემრცხვა, მივხდვი რომ სად დავუშვი ძაან დიდი შეცდომა და მახსოვს, ხატიას ტელეფონი რომ გავუთიშე, 5 წუთში დავწერე მონოლოგი. მახსოვს მაშინ, იმდენად სწორად მომაწოდა ჩემში პრობლემა…“, – ამბობს ნანუკა ჟორჟოლიანი.