ესპანურ მედიაში სეროზულად განიხილება ხვიჩა კვარაცხელიას შესაძლო ტრანსფერი „ბარსელონაში“. გამოცემა El Nacional.cat წერს, რომ 23 წლის ქართველი კატალონიურ კლუბს შეიძლება უკვე იანვრიდან შეუერთდეს!
ახლა ყველაფერი იმაზეა დამოკიდებული, რომ კავარაცხელიას და „ნაპოლის“ მოლაპარაკებები „ბარსელონასთვის“ სასარგებლოდ წარიმართოს, რაც იმას ნიშნავს, რომ კონტრაქტში ჩაიწეროს გამოსასყიდი პუნტქი მაქსიმუმ 80 მილიონის ოდენობით, რისი გადახდაც კლუბს შეეძლება, თუ ზამთრის სატრანსფერო ფანჯრის დროს რომელიმე ფეხბურთელს გაყიდის.
თუმცა, როგორც ცნობილია, „ნაპოლის“ ამ თანხის 100 მილიონამდე გაზრდა სურს.
“ხვიჩა კვარაცხელიას მომავალი უახლოეს თვეებში შესაძლოა საინტერესოდ შეიცვალოს და ბარსელონაც ძალიან ყურადღებით აკვირდება ვითარებას. ქართველ გარემარბს, რომელიც ბოლო წლებში ევროპული ფეხბურთის ერთ-ერთი მთავარი სენსაციაა, ნაპოლისთან კონტრაქტის გახანგრძლივებაზე ლაპარაკობს. მას წამოყენებული აქვს მკაფი პირობა – ხელშეკრულებაში პირგასამტეხლო პუნქტის შეტანა. საუბარია 70-80 მილიონ ევროზე. მართალია, თანხა მაღალია, მაგრამ ის საკმაოდ მიმზიდველია ისეთი გრანდებისთვის, როგორიც ბარსაა.
თავის მხრივ, ნაპოლი ცდილობს, ეს თანხა 100 მილიონ ევრომდე გაიზარდოს, თუმცა, ნეაპოლის კლუბში ცდილობენ, გაითვალისწინონ მოთამაშის მოთხოვნას. ამ მოლაპარაკებით დაინტერესებულია დეკუც, რომელიც ყურადღებით აკვირდება სიტუაციას.
ბარსაში ფიქრობენ, რომ კვარაცხელია იდეალურად ჩაჯდებოდა ჰანსი ფლიკის სქემაში და მარცხენა ფლანგიდან დისბალანსს, სისწრაფესა და გოლებს მოიტანდა. უნარი, ნებისმიერ დროს გაამწვავოს თამაში, მას ევროპაში ერთ-ერთი ყველაზე სასურველ ტალანტად აქცევს. თუკი კლუბი სატრანსფერო ბაზარზე მნიშვნელოვან შემოსავალს მიიღებდა, 70-80 მილიონ ევროდ ამ ტრანსფერის განხორციელება შეუძლებელი აღარ მოჩანს.
ერთ-ერთი, ვინც შეიძლება კვარაცხელიას ტრანსფერში შეიძლება ჩაერთოს, ფრენკი დე იონგია. ნიდერლანდელს არცთუ საუკეთესო პერიოდი აქვს და იანვარში მისი გაყიდვით, შესაძლოა ბარსელონაში ფინანსები და ადგილი გაჩნდეს ქართველის მისაყვანად. იმ შემთხვევაში, თუკი კატალონიური კლუბი დე იონგთან დაკავშირებით სერიოზულ წინადადებას მიიღებს, გამორიცხული არ არის, მიღებული სახსრებით კვარაცხელია ზამთრის სატრანსფერო სიაში შეიყვანოს.
ჯერჯერობით ყველაფერი მაინც იმაზეა დამოკიდებული, როგორ გაგრძელდება მოლაპარაკება კვარაცხელიასა და ნაპოლის შორის, მაგრამ “ნოუ კამპზე” მზად არიან მოქმედებისთვის, თუკი ასეთი შესაძლებლობა გაჩნდება. დეკუსა და მის გუნდს მხედველობის არეში ჰყავთ ქართველი და იციან, რომ აღნიშნული ტრანსფერი შესაძლოა სტრატეგიული ნაბიჯი იყოს კლუბის აწყმოსა და მომავლისთვის”, – წერს გამოცემა.
წყარო: europop
