🎥 ილია თოფურიას ახალი სახლი მადრიდში, სადაც $2 მილიონიანი სპორტული დარბაზი აიშენა, გაგაოცებთ! – ნახეთ ვიდეო

UFC-ის ჩემპიონმა ილია თოფურიამ მადრიდში შეიძინა ახალი სახლი, რომელშიც $2 მილიონიან დოლარად შეფასებული მაღალტექნოლოგიური სავარჯიშო დარბაზი მოაწყო. მას ამ დარბაზში ყველანაირი პირობა აქვს შექმნილი, რომ მომავალი ორბრძოლებისთვის სახლიდან გაუსვლელად, უმაღლეს დონეზე მოემზადოს და აგრეთვე, აღდგენითი პროცედურები ჩაიტაროს.

დარბაზი რამდენიმე სივრცისგან შედგება. მათ შორის, ბოქსის კუთზე და აღდგენითი აპარატურა. ამასთან, სპორტსმენს ირგვლივ პროფესიონალების გუნდი ჰყავს, რომლებიც მის ფიზიკურ დატვირთვაზე ზრუნავენ.

ლეგენდარულმა დენიელ კორმიემ ინტერვიუს დროს ილიას ჰკითხა.

„შენს ოჯახს ფული აქვს, ისინი მდიდრები არიან, არა? რადგან სახლში $2 მილიონიანი სპორტული დარბაზი აიშენე. სულ ახლახან მოიპოვე ქამარი, როგორ შეიძლება გქონდეს ამდენი ფული? როცა ჩემპიონი ხდები, ბევრი ფული გიჩნდება, მაგრამ შენ იმდენი ფული გაქვს, თითქოს 10 წელია, ჩემპიონი იყო.

ამაზე, ილია თოფურიამ ასეთი პასუხი გასცა.

„იმიტომ რომ, UFC-ის გარეთ ბევრი სხვადასხვა საქმიანობით ვარ დაკავებული. ღმერთის წყალობით, ყველაფერი დიდებულად მიდის“.

ცნობისთვის, ილია თუფორიამ ახლახან მაქს ჰოლოუეის დამარცხებით საჩემპიონო ქამარი პირველად დაიცვა და 2-იდან 3 მილიონამდე დოლარი გამოიმუშავა.