„იაშვილის სახელობის ბავშვთა ცენტრალური საავადმყოფოს“ სამედიცინო დირექტორის, ივანე ჩხაიძის თქმით, იმ ვირუსებს შორის, რომლებიც საქართველოში ცირკულირებს, ყველაზე მძიმე გრიპია თავისი მიმდინარეობის თავისებურების გათვალისწინებით.
„იანვრის პერიოდი გრიპის ვირუსის მატების თვალსაზრისით გამორჩეული იყო – თუ დეკემბრის ბოლოს გრიპის ხვედრითი წილი იყო 25%, ახლა 60%-ს მიაღწია. ძალიან მაღალი მაჩვენებელია, რაც ნიშნავს რომ 10 ადამიანიდან, რომელსაც ხველა, ცემინება, ცხვირიდან გამონადენი და მაღალი ტემპერატურა აქვს, სავარაუდოდ, 6 გრიპით ინფიცირებულია.
რა მდგომარეობაც ახლა ქვეყანაშია, მკაფიოდ მიუთითებს იმაზე, რომ სწორედ გრიპი გახლავთ დომინანტური ვირუსი“, – ამბობს ივანე ჩხაიძე.
