45 წლის კაცი ვარ და ჩემს ასაკში, ალბათ, ცოლზეც აღარ უნდა ვეჭვიანობდე, რადგან 20 წელია, ერთად ვეწევით ცოლქმრობის უღელს, მაგრამ ამ ბოლო დროს ისეთი სანერვიულო გამიჩნდა, რომ ღამეები აღარ მძინავს.
ამ წლების განმავლობაში ორი გოგონა შეგვეძინა და ორივე შარშან გავათხოვეთ. ქორწილიც კი ერთად გადაიხადეს. სახლში მე და ნელი დავრჩით.
რამდენიმე თვის წინ მუშაობას თავი დაანება, გოგონები ხომ დავაბინავეთ და შენი ხელფასი ორივეს გვეყოფაო.
სიმართლე გითხრათ, იგივე აზრი გამიჩნდა, მაგრამ თქმას ვერ ვუბედავდი. უცნაური ქცევა პირველად ორი თვის წინ შევამჩნიე.
სამსახურის დამთავრების შემდეგ ხუთ წუთში ერთხელ მირეკავდა და მეკითხებოდა, სად ვიყავი, რამდენ ხანში მივიდოდი სახლში.
ეჭვიანი არასოდეს ყოფილა და მისი გააქტიურება არ მომეწონა. ერთ დღეს სახლში მისულს თმაგაჩეჩილი, შეშლილი სახით დამხვდა. კარი გულგახეთქილმა გამიღო და დამნაშავის სახით მიყურებდა.
არ მომეწონა და მიზეზი ვკითხე. დამამშვიდა, წნევამ ამიწია და ცოტა ხანს მეძინაო. იმ ღამეს საძინებელში მაისურს ვეძებდი.
ტანსაცმლის ქექვისას მოულოდნელად მამაკაცის უცნობი ქვედასაცვალი ვიპოვე და გაგიჟებულმა მეუღლეს დავუძახე.
მაშინვე დამამშვიდა, შენი საცვალია, უბრალოდ, არ გახსოვს, რამდენიმე თვის წინ გიყიდე და სულ ორჯერ გეცვაო.
არაფერი აღარ მითქვამს, ასე ვერაფერს დავუმტკიცებ, ამიტომ ველოდები იმ დღეს, როდესაც ფაქტზე დავიჭერ.
ხანდახან ვფიქრობ, იქნებ ვცდები და მეუღლეს ტყუილად ვდებ ღალატში ბრალს.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
ჟურნალი “რეიტინგი”
