კაბა შევიკერე, რესტორანში ფულის ნაწილი გადახდილი გვქონდა ექვსი წელი გვიყვარდა მე და ბუკას ერთმანეთი, მაგრამ დაახლოებით სამი წლის წინ საშინელება შეგვემთხვა.
”კარგი” მეგობრის რჩევას ავყევი და შეყვარებულზე ვიეჭვიანე.
ერთმანეთს სკანდალით დავშორდით და სამი დღის გაცნობილ ბიჭს ცოლად გავყევი. ბუკა თითქმის ყოველდღე მოდიოდა უნივერსიტეტში და მეხვეწებოდა, რომ უცნობი ქმრისთვის თავი დამენებებინა, მაგრამ მეუღლესთან სამი თვე მაინც გავძელი.
ცუდი ადამიანი არ გამოდგა, მაგრამ ვერ შევიყვარე. ამის შემდეგ მე და ბუკამ ისევ აღვადგინეთ ურთიერთობა, მაგრამ ჩემ სულელურ ნაბიჯზე არცერთხელ
აღარ გვისაუბრია. ორი თვის წინ ცოლობა მთხოვა.
თან დაამატა, დედაჩემმა არ იცის, რომ განათხოვარი ხარ და არ წამოგცდესო. გული მეტკინა, მაგრამ არ შევიმჩნიე. მეორე დღიდან დავიწყეთ ქორწილისთვის მზადება.
მომავალი მეუღლის მშობლებიც გავიცანი, თითქოს ყველაფერი კარგად იყო. ერთ კვირაში ქორწილი უნდა გვქონოდა.
კაბა შევიკერე, რესტორანში ფულის ნაწილი გადახდილი გვქონდა, როცა მოულოდნელად ჩემს ტელეფონზე საბედისწერო ზარი გაისმა. ჩემი მომავალი დედამთილი რეკავდა.
მითხრა, რომ ყველაფერი იცოდა ჩემი პირველი ქორწინების შესახებ და ასეთი რძალი არაფერში სჭირდებოდა. შევეცადე ყველაფერი ამეხსნა, მაგრამ მოსმენაც არ ისურვა.
ქორწილი ჩაიშალა. ბუკაც აღარ მეხმიანება. არ ვიცი, როდემდე გაძლებს ჩემს გარეშე და ვერც იმას ვიგებ, 26 წლის, რომელიც მუშაობს და ფინანსურად უზრუნველყოფილია, რატომ ვერ წავიდა დედის წინააღმდეგ.
გთხოვთ მოიწონეთ და გააზიარეთ სტატია.. ასევე გაგვიზიარეთ თქვენი აზრი კომენტარებში..
ყურადღება: ფოტო პირობითია
