მე-16 საუკუნის ფრანგი ასტროლოგის, მიშელ დე ნოსტრადამუსის ჩანაწერები, რომელიც დღეს რეალობად ქცეულ მოვლენებს ასახავს.
ომი, რომელიც 7 თვე გაგრძელდება?
ნოსტრადამუსის ერთ-ერთი ყველაზე შემაშფოთებელი კატრენი პირდაპირ მიანიშნებს ხანგრძლივ და სისხლისმღვრელ კონფლიქტზე:
შვიდი თვე დიდი ომი, ბოროტებისგან დახოცილი ხალხი… მეფე არ დაეცემა”. ექსპერტთა ნაწილი მიიჩნევს, რომ ეს სტრიქონები ახლო აღმოსავლეთში მიმდინარე დაპირისპირების ხანგრძლივობაზე მიგვანიშნებს. თუ გავითვალისწინებთ აშშ-სა და ირანს შორის არსებულ დაძაბულობას, ეს პროგნოზი ბევრს შიშის ზარს სცემს.
“ფუტკრების გუნდი” – თანამედროვე ტექნოლოგია 500 წლის წინ?
განსაკუთრებით შთამბეჭდავია I:26 კატრენი, სადაც ნოსტრადამუსი წერს:
“ფუტკრების დიდი გუნდი აღიმართება… ღამით კი – ჩასაფრება”. ისტორიკოსები ამას ადრე შუა საუკუნეების ბრძოლებს უკავშირებდნენ, თუმცა დღეს ინტერპრეტატორები ამაში თანამედროვე დრონებს ხედავენ. უპილოტო საფრენი აპარატების ზუზუნი და მათი “გუნდური” შეტევები ღამის ცაზე ზუსტად იმეორებს ნოსტრადამუსის მიერ აღწერილ სურათს.
მარსის გავლენა და “დასავლეთის დუმილი”
კიდევ ერთი წინასწარმეტყველება მიუთითებს პლანეტა მარსის (ომის ღმერთის) პოზიციაზე:
“როდესაც მარსი თავის გზას ვარსკვლავებს შორის იპოვის… სამი ცეცხლი აღიმართება აღმოსავლეთიდან, მაშინ როცა დასავლეთი სიჩუმეში დაკარგავს სინათლეს”.
ასტროლოგიური გათვლებით, 2026 წელი სწორედ ის პერიოდია, როდესაც გლობალური კონფლიქტების რისკი პიკს აღწევს. “სამი ცეცხლი აღმოსავლეთიდან” შესაძლოა მიუთითებდეს სამ დიდ კონფლიქტზე ან ალიანსზე, რომელიც მსოფლიო წესრიგს შეცვლის.
რატომ ახლა?
ნოსტრადამუსის სახელი ყოველთვის მაშინ ამოტივტივდება ხოლმე, როცა მსოფლიო კრიზისის წინაშე დგება. მას მიაწერენ 11 სექტემბრის ტერაქტის, პრინცესა დიანას სიკვდილისა და პანდემიების წინასწარმეტყველებასაც.
მიუხედავად იმისა, რომ სკეპტიკოსები მის ნაწერებს “ბუნდოვან სიმბოლიზმს” უწოდებენ, მიმდინარე მოვლენების ფონზე – როდესაც აშშ-სა და ირანის დაპირისპირება პიკს აღწევს – მე-16 საუკუნის ასტროლოგის სიტყვები ბევრისთვის სასტიკ გაფრთხილებად ჟღერს.
წყარო: Ambebi.ge
