„ჯობია ნაპოლიში დარჩეს“ – გიორგი დემეტრაძე ასახელებს მიზეზს, თუ რატომ არ უნდა შეიცვალოს კლუბი ხვიჩა კვარაცხელიამ

ხვიჩა კვარაცხელიას „პარი სენ ჟერმენში“ შესაძლო გადაბარგებასთან დაკავშირებით გიორგი დემეტრაძემ ერთ-ერთ უცხოურ ვებ-გვერდთან ისაუბრა.

„ნაპოლი“ 100 პროცენტით მოიპოვებს ჩემპიონთა ლიგის საგზურს, თუ საერთოდ სკუდეტოს მფლობელი არ გახდა. ამიტომაც ჩემი აზრით, აჯობებს თუ ხვიჩა პარტენოპეიში დარჩება. ნეაპოლში მას უკვე ყველა იცნობს, იქაურობას მიჩვეულია და უკეთესი იქნება თუ ისევ ამ გუნდში ვიხილავთ.

პარი სენ-ჟერმენი კარგი კლუბია, მაგრამ საქართველოში ამაზე აზრი გაყოფილია. ზოგს სურს, რომ საფრანგეთის დედაქალაქში ხვიჩა იხილოს, ზოგს – არა. თუმცა, დარწმუნებული ვარ, მთელი საქართველო იმ კლუბს უგულშემატკივრებს, რომლის სასარგებლოდაც კვარა არჩევანს გააკეთებს.” – ამბობს დემეტრაძე.

წყარო : Crystalsport