საპატრიარქოს უწყებანი სამწუხარო ინფორმაციას ავრცელებს:
„ამა წლის 30 იანვარს გარდაიცვალა რუსთავის წმინდა ცამეტი ასურელი მამის სახელობის სამლოცველოს მღვდელმსახური, დეკანოზი გიორგი ამბროლაძე.
დეკანოზი გიორგი დაიკრძალება სამშაბათს, 4 თებერვალს მცხეთაში, წმინდა მეფე დავით აღმაშენებლის სახელობის მამათა მონასტერში. მწუხარებას გამოვთქვამთ დეკანოზ გიორგის გარდაცვალების გამო და თანავუგრძნობთ რუსთავის ეპარქიას, განსვენებულის ოჯახსა და სამწყსოს.უფალმა სავანესა მართალთასა დაამკვიდროს მისი უკვდავი სული.
გთხოვთ, ლოცვებში მოიხსენიოთ ახლად შესვენებული დეკანოზი გიორგი“, – ნათქვამია სამძიმრის წერილში.
