ეგეოსის ზღვაში, დღეს დილით, სულ მცირე 6 მიწისძვრა მოხდა, მათგან ყველაზე ძლიერის სიმძლავრემ 4.7 მაგნიტუდა შეადგინა. ინფორმაციას თურქული მედია ავრცელებს.
თურქეთის საგანგებო სიტუაციებისა და კატასტროფების მართვის სააგენტოს განცხადებით, დილის 09:00 საათის მონაცემებით ეგეოსის ზღვაში 6 მიწისძვრა დაფიქსირდა.
უწყების ცნობით, ყველაზე ძლიერი, 4,7 მაგნიტუდის მიწისძვრა 08:58 საათზე მოხდა. ეპიცენტრი მიწის ქვეშ, 7 კილომეტრის სიღრმეზე მდებარეობდა.
ეგეოსის ზღვაში უკვე ორ კვირაზე მეტია მიწისქვეშა ბიძგები არ წყდება. მიწისძვრების გამო, საბერძნეთში, კუნძული სანტორინი მოსახლეობის დიდმა ნაწილმა უკვე დატოვა.
