ვიკა ბუკია ტელეკომპანია “იმედის ჟურნალისტის, მარიამ ოშხნელის მიერ ბათუმში დატრიალებულ ტრაგედიასთან დაკავშირებით გამოქვეყნებულ სტატუსს სოციალურ ქსელში ეხმაურება და წერს:
“მაგალითად, იმედის ჟურნალისტს გონია რადგან რიჟვაძის ტრაქტორმა არ გამოთხარა ის თხრილი, პასუხისმგებელი რიჟვაძე არაა. აი, ასე უყურებენ სამყაროს იმედის ჟურნალისტები. თან რა სიკეთეს აფრქვევს, შეხედეთ, იწვის ამ ბავშვების საცოდაობით და იქვე ბოროტები ჩვენ ვყოფილვართ, ვინც პასუხისმგებლობას ვკიდებთ იმათ, ვინც 5-6 წლის ბავშვებს თხრილებს არ ამოუვსებს. ჯართს რა უნდოდაო ოცნების ქალაქშიო?! 6 წლის ბავშვს მოვკითხოთ უნდა თურმე ჯართს რატომ ეძებდა იქ, სადაც ჯართის ადგილი არაა.
მარიამ ოშხნელი – მრცხვენია, რომ ამისთვის მოიცალე ახლა. მრცხვენია რომ ოდესღაც რაიმე მაკავშირებდა შენთან.”-ვკითხულობთ ვიკა ბუკიას პოსტში.
შეგახსენებთ, რომ ბათუმში, ე.წ “ოცნების ქალაქში” უბედური შემთხვევის შედეგად 3 და 6 წლის ბავშვები დაიღუპნენ. აჭარის უმაღლესი საბჭოს დეპუტატის, რამაზ ჯინჭარაძის თქმით, ბავშვები იმ ტერიტორიაზე იმყოფებოდნენ, საიდანაც მოქალაქეების გასახლება და ბინებით დაკმაყოფილება მოხდა. მისივე თქმით, ბავშვები გასახლებულ ერთ-ერთ მოქალაქის კუსტარულად გაკეთებულ საკანალიზაციო თხრილში ჩაცვივდნენ.
