შშმ პირთა პანსიონატი “ბარბარე”, რომელიც დაბა ურეკში მდებარეობს, დახმარებას ითხოვს. პანსიონის ადმინისტრაცია წერს, რომ უამინდობის და დიდთოვლობის გამო შშმ პირები ოთხაში არიან ჩაკეტილები და მათი გამოყვანა ვერ ხერხდება. მათივე ცნობით, უკვე მეორე დღეა პანსიონატს დენი არ მიეწოდება და 24 ბენეფიციარს ყინვაში უწევს ყოფნა.
ამის გარდა, სოცილურ ქსელში გავრცელებულ ინფორმაციაში ნათქვამია, რომ შენობის სახურავი, სადაც შშმ პირები იმყოფებიან, დიდთოვლობის გამო უკვე დეფორმირდა და არსებობს მისი ჩალეწვის საფრთხე.
შშმ პირთა პანსიონატი “ბარბარე” ადგილობრივ მთავრობას შველას სთხოვს.
მეორე დღეა ენერგო-პრო ჯორჯია • Energo-Pro Georgia ოცდაოთხი შშმ პირი იყინება. არ არის დენი და ვერაფრით ვათბობთ ჩვენს ბენეფიციარებს.
ყოველ დარეკვაზე თქვენი ოპერატორები გვპასუხობენ, რომ მიმდინარეობს აღდგენითი სამუშაოები. მეორე დღეა ასე გვატყუებენ და ამასობაში გაგვეყინა ოცდაოთხი შშმ პირი.
მოწყვლადი ჯგუფია, ვერ გაუძლებენ ამდენი დღე სიცივეს. საშინელ დღეში არიან!!! გაყინულები არიან!!!
ლოკაცია: ოზურგეთის მუნიციპალიტეტი. დაბა ურეკი. სანაპიროს N 37
ოზურგეთის მუნიციპალიტეტის მერია • Ozurgeti City Hall სასწრაფოდ ვითხოვთ დახმარებას. სახლის სახურავების ჩალეწვის საშიშროებაა. ვერ გაუძლებს თოვლის ამ დონის დატვირთვას და დადგება გამოუსწორებელი შედეგი. ჩაგვეხოცება 24 შშმ პირი…
უკვე მერამდენედ ვრეკავთ 112 ში და აგზავნიან საპატრულო პოლიციას. ხალხნო, საპატრულომ რა უნდა ქნას? სახურავი სახლის ერთ მხარეს უკვე დეფორმირებულია.
მაშველები და ტრაქტორი გვჭირდება…
დატრიალდება ტრაგედია. ოთახებში არიან ჩაკეტილი ბენეფიციარები, ვერ გამოდიან გარეთ…
უმორჩილესად გთხოვთ, ვისაც შეგიძლიათ, როგორც შეგიძლიათ, დაგვეხმარეთ… მოწყვლად ჯგუფთან გვაქვს საქმე, სასწრაფოდ გვჭირდება დახმარება….ლოკაცია : ოზურგეთის მუნიციპალიტეტის. დაბა ურეკი. სანაპიროს N 37…#დაბა_ურეკის_გამგებელი #დათო_რობაქიძე სურათებით ხედავთ ხო რა ხდება?
