პროდიუსერი ნოე სულაბერიძე “ცეკვავენ ვარსკვლავებთან” დაკავშირებით ემოციურ სტატუსს აქვეყნებს.
“ცეკვავენ ვარსკვლავების პირველ სეზონს როდესაც ვიწყებდით, ბევრისთვის დაუჯერებელი იყო სამეჯლისო ცეკვების ასეთი ნათელი მომავალი, მახსოვს სტუდია თელა-ს ერთი პატარა ოთახი, სადაც პირველად მივედით, რომელიც სავსე იყო ბევრი თასითა და მედლებით, იმ დღეს იქ რატომღაც ძალიან ციოდა, ეს იყო ბატონი თენგიზ გაჩეჩილაძის ოთახი, რომელიც იმ დროს სამეჯლისო ცეკვების ფედერაციას ხელმძღვანელობდა, მას დღემდე ალბათ ყველაზე დიდი წვლილი აქვს საქართველოში ამ დარგის დაფუძნებასა არსებობაში 🙌🏻🙏🏻 მახსოვს მას ძალიან გაუხარდა, როდესაც ჩვენი პროექტის შესახებ გაიგო. მახსოვს პირველი სეზონის მოცეკვავეებს (დღეს უკვე ვარსკვლავებს) როგორ ვეცნობოდით, ვარჩევდით და თან ამის გამოცდილებაც არ გაგვაჩნდა, მახსოვს მთავარ მსაჯში ძალიან გვიჭირდა რადგან ამ დარგის წარმომადგენელი არ გვყვადა, რომელოც გახდებოდა მთავარი ფიგურა და მახსოვს ბოლოს როგორ ვიპოვეთ გოჩა, რომელმაც ასე დაამშვენა და თავისი ხელწერა შესძინა პროექტს. მახსოვს რუსთაველის თეატრი და ჩვენს გამბედაობას თანდაყოლილი შიში ამხელა მასშტაბის აწევის. სიმბოლურია, რომ ამ პროექტს რუსთაველის თეატრიდანვე თან გაჰყვა კავკასიური ცარცის წრის მთავარი სცენის გავლენა, რომელიც დრო და დრო თავს იჩენდა, თუმცა ყოველთვის კეთილი ფინალით. ამ პროექტს საკრალურს ვეძახი, რადგან ბევრ რამეს ცვლის ადამიანების ცხოვრებაში, თან ამ სამი თვის მანძილზე უცნაურია, მაგრამ ყველანი ისე ვიცვლებით, რომ თითქოს რაღაც ფილმში ვმოგზაურობთ, ზოგჯერ დრამის და ზოგჯერ კომედიური ჟანრის 😀
13 წლის წინ მართლა ვერ წარმოვიდგენდი, რომ როდესმე მეცამეტე სეზონის დასრულების შესახებ სტატუსს დავწერდი. ესეც უკვე ისტორიაა, (ისევე როგორც თანდართული ფოტოები) რომელსაც ვერ წაშლი 😍
რა თქმა უნდა ვულოცავ გამარჯვებულს 🏆მადლობა ღირსეულ ფინალისტებს 🫶🏻 და აბსოლუტურად ყველა მონაწილეს 🙏🏻 უდიდესი მადლობა ყველაზე მაგარ შემოქმედებით გუნდს, მშობლიურ არხს, (რომელმაც გუშინ იუთუბის ოქროს ღილაკი მოიპოვა), მადლობა ძვირფას მაყურებელს, ჩვენს მაგარ მსაჯებს და არაჩვეულებრივ წამყვანებს 👏🏻
p.s. ცეკვები, როცა მთავრდება ტრადიციულად მეორე დღეს სიცარიელის შეგრძნება ჩნდება… ტრადიციული სიცარიელის… )
მეთოთხმეტე სეზონამდე მეგობრებო, ცეკვავენ ვარსკვლავების გულშემატკივრებო და კეთილისმსურველნო 🙏🏻🫶🏻” – წერს ნოე სოციალურ ქსელში და ფოტოებს აქვეყნებს. ნახეთ :
