მეცნიერებმა ტყუპებზე კვლევა ჩაატარეს, რომლის შედეგებმაც აჩვენა, რომ ტატუს მქონე დედმამიშვილებს უფრო ხშირად უვითარდებათ კანის კიბო ან ლიმფომა, ვიდრე ტატუს არმქონე ტყუპისცალებს.
კოჰორტული კვლევა სამხრეთ დანიის უნივერსიტეტის ბიოსტატისტიკოსმა, სინია ბედსტედ კლემენსენმა და მისმა კოლეგებმა ჩაატარეს და შემთხვევითობის პრინციპით შეარჩიეს 2 367 ტყუპი.
შედეგად დადგინდა, რომ ტატუს მქონე ინდივიდებს კანის კიბოს განვითარების ოთხჯერ უფრო დიდი რისკი აქვთ.
კვლევის შედეგად, სადაც 316 ინდივიდი საკუთარ ტყუპისცალს შეადარეს, გამოვლინდა, რომ ტატუს მქონე პირებში კიბოს განვითარების რისკი 33-დან 62-პროცენტამდე უფრო მაღალი იყო.
ეს განსხვავება კიდევ უფრო მკვეთრად იყო გამოკვეთილი იმ პირებში, რომელთაც ხელის გულის ზომაზე უფრო დიდი ტატუ ჰქონდათ.
ადრე ჩატარებულმა კვლევამაც გამოავლინა ტატუს მქონე ინდივიდებში ლიმფომის გაჩენის უფრო მაღალი რისკი.
„ჩვენს კვლევას არ გამოუვლენია აშკარა კავშირი კიბოსა და მელნის კონკრეტულ ფერებს შორის, თუმცა ეს არ ნიშნავს, რომ ტატუს ფერის ფაქტორი საინტერესო არ არის. სხვა კვლევებიდან შევიტყვეთ, რომ მელანი შესაძლოა პოტენციურად საზიანო ნივთიერებებს შეიცავდეს, მაგალითად, წითელი მელანი უფრო ხშირად იწვევს ალერგიულ რეაქციებს. ჩვენ ამ საკითხის უფრო საფუძვლიანად გამოკვლევა გვსურს”, – ამბობს კლემენსენი.
ოდენსეს უნივერსიტეტის ჰემატოლოგი განმარტავს:
„მელნის ნაწილაკები ლიმფურ კვანძებში გროვდება. ვეჭვობთ, რომ ორგანიზმი მათ უცხო სხეულად აღიქვამს. ეს შესაძლოა ნიშნავდეს, რომ იმუნური სისტემა მუდმივად ცდილობს უპასუხოს მელანს, ჩვენ კი არ ვიცით ასუსტებს თუ არა ეს მუდმივი წნეხი ლიმფური კვანძების ფუნქციონირებას”.
ეს შესაძლოა ნიშნავდეს, რომ იმუნური სისტემა მუდმივად ცდილობს უპასუხოს მელანს, ჩვენ კი არ ვიცით ასუსტებს თუ არა ეს მუდმივი წნეხი ლიმფური კვანძების ფუნქციონირებას.
წყარო: primetime
