კახეთში 14 წლის გოგონამ შვილი 50 წლის კაცისგან გააჩინა. როგორც ირკვევა, კაცი მსხვერპლის უმცროს დაზეც ძალადობდა. ინფორმაციას კურიერი P.S. ავრცელებს.
უმძიმესი ფაქტი მას შემდეგ გახმაურდა, რაც 14 წლის მოზარდი ედა გახდა. გამოძიება კლინიკიდან მიწოდებული ინფორმაციის საფუძველზე დაიწყო.
სწორედ ძიების პროცესში გაირკვა, რომ 50 წლის კაცი სექსუალურად ძალადობდა მსხვერპლის უმცროს დაზეც.
გამოძიების ინფორმაციით, არასრულწლოვანი დების შემზარავი ისტორია 2 წელი გრძელდებოდა. მძიმე შემთხვევაზე სკოლამ იცოდა და შესაბამისი რეაგირებაც ჰქონდა. ახლა დები ამ სკოლაში აღარ სწავლობენ, დირექტორი კი დეტალებზე საუბარს ერიდება. მსხვერპლი ბავშვების დედა კი, რომელიც მსჯავრდებულის მეგობარი ქალია, საკუთარი შვილების არ სჯეროდა.
კაცი პედოფილის სტატუსით დააკავეს. თელავის სასამართლომ ის ყველა წარდგენილ ბრალდებაში დამნაშავედ ცნო.
შემზარაული დანაშაულის მსხვერპლმა მოზარდებმა დაასახელეს ყველა ის ადგილი, სადაც 50 წლის კაცი დანაშაულს სჩადიოდა. თუმცა,ბრალდებული ყველაფერს უარყოფს.მძიმე ბრალდებებით გასამართლებული კაცის ადვოკატმა კომენტარზე უარი თქვა. მსჯავრდებულის ოჯახში ღიად საუბარი არ ისურვეს.
ახლა ჯერი თბილისის სააპელაციო სასამართლოზეა, რომელმაც უნდა გადაწყვიტოს, დარჩება თუ არა ძალაში ბრალდებულისთვის შეფარდებული 17-წლიანი სასჯელი.
წყარო: rustavi2
