,,რომელი ორი საბედისწერო საკითხის წინაშე დგას დედამიწა 2025 წელს, როგორ გადავიტანოთ ადვილად რეტროგრადული მერკურისა და ვენერას პერიოდები და ვისზე როგორ იმოქმედებს მარტში მზისა და მთვარის დაბნელებები?”- ამის შესახებ TIA.GE-ს ასტროფსიქოლოგი გიორგი ლობჯანიძე ესაუბრა.
– ზოგჯერ პლანეტები ცის კაბადონზე პირდაპირი მოძრაობის საწინააღმდეგო მიმართულებით მოძრაობენ და ეს მოძრაობა შენელებულ კადრს ჰგავს. მაგალითად, თუ რომელიმე პლანეტა პირობითად, წელიწადში 60 კმ. სიჩქარით მოძრაობს, შენელების პერიოდებში შეიძლება 30 კმ. სიჩქარით იმოძრაოს და ამას რეტროგრადული მოძრაობა ეწოდება. 2 მარტს რეტროგრადული ვენერას პეროდი დაიწყო, რომელიც აპრილის 13-14 რიცხვებამდე გაგრძელდება. ამას ემატება მზე-მთვარის დაბნელებები, ასევე, მარტის შუა რიცხვებიდან გონებისა და ინტელექტის მმართველი პლანეტა მერკურის უკან მოძრავი ფაზა და ესეც მარტის ბოლომდე გაგრძელდება.
_ ზოდიაქოს რომელი ნიშნებისთვის იქნება ეს დრო ხელსაყრელი?
_ზოდიაქოს თვალსაზრისით, ეს თვე თევზების ნიშნისთვის, კირჩხიბისა და მორიელისთვის სასიამოვნოა და ძალიან პოზიტიურია, მაგრამ მინდა თქვენი ყურადღება კოსმოლოგიურ საკითხებზე გავამახვილო, იმიტომ, რომ პირადი პლანეტების, განსაკუთრებით მერკურისა და ვენერას რეტროგრადული მოძრაობა წინა ხაზზე მთელ რიგ საკითხებს წევს. ის გვანიშნებს, რომ ძალიან ფრთხილად უნდა ვიყოთ ნებისმიერი სახის მოლაპარაკებების დროს, განსაკუთრებით ეკონომიკურ- მატერიალური ხელშეკრულებების დადების დროს. 15 აპრილამდე როგორი მოლაპარაკებაც არ უნდა შედგეს, ვერ იმუშავებს, შესაბამისად, განხეთქილებები და შემდგომი პრობლემები მოჰყვება.
_ რა ტიპის საქმიანობისთვის არის ეს პერიოდი ხელსაყრელი?
_ ეს პერიოდი ხელსაყრელია ძველი საკითხების, ძველი პროექტების, მივიწყებული ადამიანების და თუნდაც სასიყვარულო ურთიერთობების აღდგენისთვის, იმიტომ რომ ვენერა ამ საკითხებს მფარველობს. შესანიშნავი დროა, ძველი, მივიწყებული პარტნიორული საკითხების აღდგენისთვის მაგრამ ახლისთვის, რაც კაცობიობას აქვს ჩაფიქრებული და დაწყებული ან რისი განხორციელებაც უკვე სურს, ამისთვის არ ვარგა.
_ მზე-მთვარის დაბნელების პერიოდი ვისზე იმოქმედებს განსაკუთრებულად და რა შედეგებს მოგვიტანს?
_ რაც შეეხება მზე-მთვარის დაბნელებებს, 1-14 მარტს მთვარის დაბნელება გველის (პიკი 10 საათი და 26 წუთი). როგორც წესი, მთვარის დაბნელების დროს გარკვეულ საკითხებს ვასრულებთ ხოლმე განსხვავებით მზის დაბნელებისგან იმიტომ, რომ მზის დაბნელება რაღაც ახლის დაწყებას უკავშირდება. რაც შეეხება მზის დაბნელებას, ეს 29 მარტს, შუადღის საათებში მოხდება. მზის დაბნელებას ყოველთვის ახალმთვარეობა ემთხვევა და ახალმთვარეობის პიკი 14 საათსა და 57 წუთზე იქნება. მთვარის დაბნელება ქალწულის ნიშანში იქნება, მზის დაბნელება – ვერძის ნიშანში. ვერძი ძალიან აქტიური და საკმაოდ აგრესიული ნიშანია, რომელიც როგორც საომარ, ასევე ინდივიდუალური წარმატების პროცესებს კურირებს, ამიტომ მარტის მიწურულს და აპრილის 20 რიცხვამდე სადაც საჭიროა, დიპლომატია უნდა გამოვიჩინოთ, სადაც საჭიროა, თავშეკავება და სადაც საჭიროა, პირდაპირობა. ვინც იცის როდის იომოს, ის ომს მოიგებს, ვინც არა, ის თამაშგარე, წაგებულ პოზიციაში დარჩება. ამ მზე-მთვარის დაბნელებებით დედამიწაზე დაახლოებით წელიწადნახევრიანი ფანჯარა იხსნება. ეს ნებისმიერ სექტორს ეხება და არა მარტო პოლიტიკას. თუ ჩვენ ამ ფანჯრის წიაღში ვერ ჩავეტიეთ, ვერ დავმშვიდდით, ვერ შევძელით საერთო ენის გამონახვა, დრომოჭმული საკითხების გაცხრილვა, უფრო მეტი სიყვარულისა და პატივისცემის მოპოვება, მაშინ დესტრუქციული ხაზით სიარული გარანტირებულია. რადგანაც ახლა ეს ფანჯარა გახსნილია, საკუთარ სულზე მუშაობისთვის ერთ-ერთი საუკეთესო დროა და ამას გამოყენება სჭირდება. თუ ადამიანები ჩვენი პლანეტის და სიცოცხლის შველას ერთობლივად მოვინდომებთ, მაშინ ყველაფერი გაცილებით უკეთესად განვითარდება. თუ ცეცხლზე ნავთს დავასხამთ, უნდა გვახსოვდეს, რომ კოსმოსში ამინდს ადამიანი ქმნის და არა მხოლოდ პლანეტარული განვითარება.
მარტი კიდევ იმით გამორჩეულია, რომ ახლა მზე თავისი ბოლო, მე-12 ნიშნის განვითარებას ასრულებს. 20 მარტს კოსმიური ახალი წელი დაიწყება. ამ დროს მზე ვერძის ნიშანში გადადის და კოსმოსში შესაბამისი განწყობა და დადებითი მომზადება სჭირდება. მეტი მხიარულება, ერთმანეთის მიმართ მეტი სიყვარულის გამოვლენა და მეტი მოფერებაა საჭირო. მარტის თვიდან მოყოლებული, აპრილის 15-20 რიცხვებამდე ე.წ. ლაკმუსის ქაღალდის პერიოდია, როდესაც ადამიანებს ის უბრუნდებათ, რაც დაიმსახურეს. ეს კოსმიური გამოძახილის დროა..
ზოგადად, კოსმოსს არ ესმის რას ნიშნავს სიტყვები – „მე მინდა“. ეს შეიძლება ზოგჯერ აღიქმებოდეს, როგორც „საქმეს სჭირდება“. ხანდახან „მე არ მინდა“ შეიძლება გვევლინებოდეს, როგორც „საქმეს სჭირდება“ ანუ მე მინდა შესაბამისად, რადგან დაცემული ადამიანი თავისი გადმოსახედიდან საზღვრავს ხოლმე ყოველთვის საკითხებს, როგორც ობიექტურ მოცემულობასა და არა სუბიექტურს სჭირდება. ახლა სწორედ იმ გადაწყვეტილებების მიღებაა საჭირო და ეს საგამოცდო დროა. წელიწადის პირველი საგამოცდო დრო 2 მარტიდან დაახლოებით, 20 აპრილამდეა და მეორე მსგავსი საგამოცდო დრო, როდესაც ადამიანებმა როგორც საქმეს, ოღონდ ობიექტურ მოცემულობას სჭირდება, ისე უნდა იმ იმოქმედონ, ივლისის დაახლოებით 15 რიცხვიდან იწყება და აგვისტოს ბოლომდე გრძელდება. 2025 წლის განმავლობაში დედამიწა ორი საბედისწერო, გარდამავალი საკითხის წინაშე დგას: 2 მარტიდან 20 აპრილამდე და 15 ივლისიდან აგვისტოს ბოლომდე, როდესაც დედამიწის გეომაგნიტური ველი შველას ითხოვს. უფრო მეტი მოთმინება, მეტი სიმშვიდე და მეტი შინაგანი სულიერების გამოვლენაა საჭირო მოთმინების კუთხით, რომ ეს პერიოდები მშვიდობიანად გავიაროთ.
– გმადლობთ.
წყარო: ტია.ჯი
